Hrodzienskaja vobłaść prapracoŭvaje z Polščaj arhanizacyju avijarejsaŭ LOT u aeraport Hrodna, paviedamiŭ BIEŁTA načalnik upraŭleńnia sportu i turyzmu Hrodzienskaha abłvykankama Aleh Andrejčyk.
«Polskaja avijakampanija LOT zacikaŭlenaja ŭ arhanizacyi rehularnaha ruchu z Hrodna. Vialisia papiarednija pieramovy ab adkryćci avijarejsaŭ z Varšavy ŭ Hrodna i nazad. U nastupnym hodzie budziem aktyŭna pracavać u hetym kirunku», — skazaŭ surazmoŭca.
Avijarejsy najbolš cikavyja kampanii pry ŭmovie ŭklučeńnia aeraporta ŭ biaźvizavuju zonu parku «Aŭhustoŭski kanał». Tamu vobłaść, jak i zajaŭlała raniej, budzie inicyjavać hetaje źmianieńnie va ŭkaz №318.
Taksama viadziecca praca pa pytańni pašyreńnia transpartnaj dastupnaści biaźvizavaj zony praz čyhunačny punkt propusku «Hrodna — Kuźnica Biełastockaja». Pieršapačatkova jon nie byŭ uklučany va ŭkaz №318. Adnak paśla zapuščany ciahnik Hrodna—Krakaŭ, na jakim prybyvajuć šmatlikija turysty. «Kali hety krok budzie zrobleny, my čakajem značnaje pavieličeńnie patoku biaźvizavych turystaŭ», — adznačyŭ Aleh Andrejčyk.
Z pačatku dziejańnia ukaza ab biaźvizavym ŭjeździe ŭ park «Aŭhustoŭski kanał» jaho terytoryju, u tym liku Hrodna i navakolli, naviedali bieź viz 16,8 tysiač zamiežnych hramadzian.
Kamientary