Žychar Šviejcaryi ŭpieršyniu ŭ historyi krainy prysudžany da štrafu za «łajk» ŭ sacyjalnaj sietcy Fejsbuk. Sud u Ciurychu vynies abvinavaŭčy prysud 45-hadovamu mužčynu i abaviazaŭ jaho vypłacić štraf u pamiery 4 tysiačy frankaŭ ($4,1 tysiačy), piša VVS.
Jak paviedamlaje vydańnie The Local Switzerland, u 2015 hodzie asudžany šviejcarac, imia jakoha nie nazyvajecca, pastaviŭ «łajk» da kamientaroŭ aktyvistaŭ, jakija abvinavačvali kiraŭnika asacyjacyi pa abaronie žyvioł Ervina Kieślera ŭ rasiźmie i antysiemityźmie.
U adkaz na heta Kieśler padaŭ u sud nie tolki na aŭtaraŭ kamientaryjaŭ, ale i na taho, chto ich «załajkaŭ», patłumačyŭšy heta tym, što «łajk» prasoŭvaje publikacyju i robić jaje bačnaj dla bolšaj kolkaści karystalnikaŭ.
Sudździa taksama adznačyŭ, što «łajk» maje na ŭvazie ŭchvaleńnie, i adkazčyk takim čynam prademanstravaŭ, što jon zhodny sa źmiestam abraźlivych kamientaroŭ.
U 1998 hodzie sam Kieśler byŭ prysudžany da nievialikaha terminu źniavoleńnia paśla taho, jak publična paraŭnaŭ rytualny zaboj žyvioł pa habrejskich tradycyjach sa złačynstvami niamieckich nacystaŭ.
Adnak sud adznačyŭ, što pa skančeńni amal 20 hadoŭ z momantu vyniasieńnia prysudu ŭ adkazčykaŭ niama padstaŭ vinavacić Kieślera ŭ rasisckich i antysiemickich pohladach.
Jak adznačaje ahienctva Frans-pres, dla Šviejcaryi heta pieršy vypadak abvinavaŭčaha prysudu za «łajk» u sacsietcy.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary