Červień pačaŭsia z daždžlivaha i vietranaha nadvorja. Nie źmienicca nadvorje i ŭ piatnicu. Pra heta TUT.BY raspavioŭ načalnik słužby mietearałahičnych prahnozaŭ Hidramieta Minpryrody Dźmitryj Rabaŭ
Umovy nadvorja na terytoryi Biełarusi budzie vyznačać atmaśfierny front i chałodnaja niaŭstojlivaja pavietranaja masa, jakaja pastupaje z poŭnačy Jeŭropy — jany i pryniasuć davoli vietranaje nadvorje.
Abvieščany aranžavy ŭzrovień niebiaśpieki z-za ŭzmacnieńnia vietru paryvami da 15-20 m/s, jakija buduć supravadžacca, nočču pa paŭnočnaj pałovie, dniom na bolšaj častcy terytoryi krainy karotkačasovymi daždžami.
Tempieratura nočču + 3 … + 9°S, dniom + 11 … + 17°S, pa paŭdniovym zachadzie + 18 … + 23°S.
U subotu, 3 červienia, nadvorje palepšycca. Z rostam atmaśfiernaha cisku daždžy spynicca i ścichnie viecier. Ale Biełaruś pa-raniejšamu zastaniecca ŭ śviežaj pavietranaj masie paŭnočnych šyrot. Nočču i ranicaj u asobnych rajonach słaby tuman. Tempieratura nočču + 2 … + 8°S; dniom + 13 … + 20°S, u paŭdniova-zachodnich rajonach + 21 … + 23°S.
4 červienia paciapleje, užo dniom na Biełaruś pačnuć raspaŭsiudžvacca ciopłyja pavietranyja masy z paŭdniovaha zachadu Jeŭropy.
U suviazi z novymi ŭmovami nadvorja zamarazki, jakija mierkavalisia ŭ tydniovym prahnozie nadvorja, u noč na niadzielu nie čakajucca.
Nie abydziecca biez daždžoŭ: u paŭnočnych rajonach, a dniom i pa zachadzie krainy projduć karotkačasovyja daždžy, dniom mahčymy navalnicy. Tempieratura nočču ad + 3°S pa ŭschodzie da + 10°S pa zachadzie krainy; dniom + 18 … + 25°S, u paŭdniova-zachodnich rajonach da + 29°S.
U pačatku nastupnaha tydnia nadvorje ŭ Biełarusi buduć farmavać atmaśfiernyja franty i vielmi ciopłyja pavietranyja masy z Zachodniaj Jeŭropy.
Projduć karotkačasovyja navalničnyja daždžy. A tempieratura budzie praciahvać raści i da siaredziny tydnia, słupki termomietraŭ pakažuć nočču + 12 … + 19°S, dniom + 22 … + 29°S, pa paŭdniovym uschodzie da + 31°S.
U pieršaj dekadzie červienia 2017 hoda siaredniaja tempieratura pavietra pa Biełarusi čakajecca na 1-2°S vyšej za klimatyčnuju normu (norma + 14,5 … + 16,5°S).
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary