Dyrektarku adzinaj u Rasii ŭkrainskaj biblijateki prysudzili na čatyry hady
Miaščanski sud Maskvy pryznaŭ byłoha dyrektara Biblijateki ŭkrainskaj litaratury Natallu Šarynu vinavataj u ekstremiźmie i rastracie i pryhavaryŭ da čatyroch hadoŭ pazbaŭleńnia voli ŭmoŭna.
«Šaryna zrabiła dziejańni, nakiravanyja na raspalvańnie nacyjanalnaj nianaviści i varožaści, a taksama źniavahu čałaviečaj hodnaści. Šaryna ździejśniła rastratu hrašovych srodkaŭ u karyślivych metach», — havorycca ŭ prysudzie, jaki začytała sudździa Alena Hudoŭšnikava.
Abvinavačvańnie prasiła sud prysudzić Šarynu da piaci hadoŭ pazbaŭleńnia voli ŭmoŭna. Advakaty byłoha dyrektara biblijateki nastojvali na apraŭdalnym prysudzie.
Šaryna nazvała prysud palityčnym. «Ja 35 hadoŭ pracavała biblijatekarkaj. Mabyć, razbureńnie biblijateki było vyhadna. Mnie škada biblijateku», — skazała jana. Pryznanyja ekstremisckimi knihi, znoŭ zajaviła Šaryna, byli padkinutyja.
Advakat Ivan Paŭłaŭ, jaki baraniŭ Šarynu, paviedamiŭ, što prysud budzie asprečany. Dziaržabvinavaŭca Ludmiła Bałandzina, u svaju čarhu, zajaviła, što zadavolena prysudam i nie budzie jaho abskardžvać.
Natalli Šarynaj było vystaŭlenaje abvinavačvańnie pa art. 282 KK RF («Raspalvańnie nianaviści albo varožaści, a roŭna źniavaha čałaviečaj hodnaści») i pa č. 4 art. 160 KK RF («Prysvajeńnie abo rastrata, ździejśnienyja arhanizavanaj hrupaj ci ŭ asabliva bujnym pamiery»). Z kastryčnika 2015 hoda jana znachodziłasia pad chatnim aryštam.
Pieršaje abvinavačvańnie źviazana z raspaŭsiudžvańniem u biblijatecy knih ŭkrainskaha nacyjanalista Dźmitryja Karčynskaha, jakija pryznanyja ŭ Rasii ekstremisckimi materyjałami. Šaryna śćviardžała, što zabaronienyja knihi byli padkinutyja ŭ biblijateku. Pa miery rasśledavańnia kolkaść zabaronienych materyjałaŭ u spravie Šarynaj vyrasła da amal dvuch dziasiatkaŭ.
Abvinavačvańnie ŭ rastracie źviazana ź mierkavanaj trataj Šarynaj srodkaŭ, vydzielenych biblijatecy, na advakataŭ, jakija abaraniali jaje pa inšaj kryminalnaj spravie.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary