Bajca MMA Murada Amryjeva vyvieźli z Dobruša ŭ Rasiju, paviedamlaje Meduza. Raniej telekanał «Dožd́» apublikavaŭ videa, na jakim Amryjeŭ kryčyć z akna Dobrušskaha RAUS, što choča prasić biełaruskija ŭłady ab palityčnym prytułku.
Bajec MMA Murad Amryjeŭ, jaki pražyvaŭ u Čačni, źjechaŭ z Rasii ŭ 2013 hodzie. Pa jaho słovach, heta adbyłosia paśla taho, jak miascovyja siłaviki niekalki sutak katavali jaho, prymušajučy dać pakazańni na starejšaha brata. Vysokapastaŭleny palicejski, jak śćviardžaje Amryjeŭ, padazravaŭ jaho brata ŭ padrychtoŭcy zamachu na jaho.
U pačatku červienia 2017 hoda Amryjeŭ byŭ zatrymany na miažy Rasii i Ukrainy, kali jechaŭ u Maskvu dla afarmleńnia vizy. Pryčynaj zatrymańnia było abvieščanaje padazreńnie ŭ vykarystańni zahadzia padroblenych dakumientaŭ (pavodle danych Kamiteta pa praduchileńni katavańniaŭ, u pašparcie bajca prosta jość pamyłka druku). Amryjeŭ, jak zajavili ŭ pravaachoŭnych orhanach, byŭ abvieščany ŭ fiederalny vyšuk.
6 červienia Amryjeva farmalna vyzvalili i pavieźli na dopyt u budynak branskaj transpartnaj prakuratury. U Bransk da taho momantu prybyli čačenskija palicyjanty, kab etapavać Amryjeva; adnaho ź ich bajec apaznaŭ jak čałavieka, jaki katavaŭ jaho ŭ 2013 hodzie.
«Skarystaŭšysia mituśnioj», Amryjeŭ zdoleŭ pakinuć budynak i źjechaŭ na mašynie ź siabrami, jakija jaho čakali. U noč na 8 červienia stała viadoma, što jon zatrymany na terytoryi Biełarusi — u Dobrušy Homielskaj vobłaści. Biełaruskija ŭłady abviaścili pra namier vydać jaho RF.
-
Ruhinienie: Litva hatova razhledzieć zapyt ZŠA adnavić tranzit biełaruskich uhnajeńniaŭ, kali jon budzie
-
Kiraŭnik MZS Azierbajdžana paviedamiŭ pra «surjoznyja pytańni» da Maskvy praz zakryćcio spravy ab katastrofie łajniera AZAL
-
Zialenski dapuściŭ, što Tramp moža pryjechać va Ukrainu dla padtrymki płana mirnaha pahadnieńnia
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary