Pryjechaŭšy ranicaj na pracu, dyrektar vyjaviŭ trup vartaŭnika sa śladami hvałtoŭnaj śmierci, paviedamlaje sajt UUS Bresckaha abłvykankama.
U apieratyŭna-dziažurnuju častku Pinskaha RAUS pastupiła paviedamleńnie ad kiraŭnika adnaho z pryvatnych pradpryjemstvaŭ rajona ab tym, što im znojdzieny trup 26-hadovaha vartaŭnika pradpryjemstva sa śladami hvałtoŭnaj śmierci. Jon taksama paviedamiŭ u milicyju, što z pamiaškańnia ofisa vykradzieny mietaličny siejf z bujnoj sumaj hrošaj.
U chodzie praviadzieńnia apieratyŭna-vyšukovych mierapryjemstvaŭ byŭ zatrymany pa haračych śladach raniej sudzimy 39-hadovy žychar Pinska.
Pry pieratrusie ŭ zatrymanaha była znojdzienaja častka vykradzienych hrošaj i mietaličny siejf.
Pa dadzienym fakcie Pinski mižrajonny adździeł SK RB raspačaŭ kryminalnyja spravy pa p. 12 č. 2 art. 139 KK RB i pa č. 3 art. 207 KK RB, pryznačyŭ šerah ekśpiertyz.
Zatrymany źmieščany ŭ izalatar časovaha ŭtrymańnia.
Ciapier čytajuć
Što pościać biełaruskija sielebrycis, jakija apynulisia pad bombami i dronami ŭ krainach Bližniaha Uschodu4
Kamientary