Ułady ZŠA dadali ŭ sankcyjny śpis jašče 38 proźviščaŭ i najmieńniaŭ arhanizacyj, jakija majuć dačynieńnie da dziejańniaŭ Rasii va Ukrainie. Pra heta havorycca na sajcie Fiederalnaha kaznačejstva Złučanych Štataŭ, paviedamlajuć infarmahienctvy.
«Hetyja dziejańni zachavajuć cisk na Rasiju dla taho, kab jana šukała dypłamatyčnaje rašeńnie. Ciapierašniaja administracyja nacelenaja na dypłamatyčny praces, jaki harantuje suvierennaść Ukrainy. Nie moža być nijakaj admieny sankcyj, pakul Rasija nie vykanaje abaviazacielstvy, uziatyja Minskimi pahadnieńniami», — rastłumačyŭ ministr finansaŭ ZŠA Styvien Mnučyn.
U śpisie 19 kampanij i 19 fizičnych asob. Siarod ich — pryvatnaja vajennaja kampanija «Vahnier» i kampanii «Kankord kiejterynh» i «Kankord mieniedžmient end kansałtynh» — apošnija dźvie arhanizacyi ŭklučanyja ŭ śpis za toje, što kantralavalisia restarataram Jaŭhienam Pryhožynym, jaki znachodzicca pad sankcyjami ź śniežnia 2016 hoda. Akramia taho, pad abmiežavańni patrapili šerah čynoŭnikaŭ z Kryma i «DNR-ŁNR», a taksama asoby, źviazanyja z motakłubam «Načnyja vaŭki».
13 červienia kanhres raskryŭ detali zakonaprajekta ab novych sankcyjach suprać Rasii. U vypadku jaho zaćviardžeńnia amierykanskim kampanijam i pryvatnym asobam budzie zabaroniena kredytavać rasijskija banki daŭžej čym na 14 dzion. U ciapierašni čas hety termin składaje 90 dzion. Taksama prapanujecca abmiežavać terminy finansavańnia rasijskich kampanij naftahazavaha siektara. Dla ich budzie ŭstalavany termin kredytavańnia ŭ 30 dzion.
Akramia taho, na praciahu 180 dzion paśla ŭviadzieńnia papravak kiraŭnik Minfina ZŠA pavinien pradstavić u kanhres dakład, jaki apisvaje mahčymyja nastupstvy raspaŭsiudžvańnia sankcyj na suvierenny doŭh Rasii.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB19
Kamientary