Pry praviadzieńni prafiłaktyčnych rabot u kanalizacyi na zachadzie Maskvy zahinuli piać čałaviek. Uźnikła zadymleńnie, piać z šaści rabočych zahinuli na miescy, paviedamlaje Śledčy kamitet Rasii (SKR).
«Pavodle papiarednich danych, pracy vyrablali šeść čałaviek, piaciora ź jakich zahinuli na miescy. Dakładnaja kolkaść paciarpiełych udakładniajecca», — havorycca ŭ paviedamleńni na sajcie SKR.
U kanalizacyi, raźmieščanaj na vulicy Baženki, adbyłosia zadymleńnie, udakładnili ŭ viedamstvie. Raniej aficyjna paćviardžałasia śmierć troch rabočych.
«My paćviardžajem, što taki incydent mieŭ miesca. Našy padraździaleńni pracujuć na miescy, a taksama słužby horada. My paćviardžajem, što jość i achviary, i paciarpiełyja», — paviedamili raniej VVS u MNS.
U pres-słužbie taksama dadali, što vybuchu pa pakazanym adrasie nie było.
Pavodle danych TASS, u kanalizacyi adbyŭsia vybuch hazapavietranaj sumiesi, u vyniku jakoha zahinuli piać čałaviek.
«Pry praviadzieńni rabot pa adpampoŭcy vady ŭ kanalizacyjnym kalektary hłybinioj dziesiać mietraŭ paciarpieli šeść rabočych, ź ich piać zahinuli: dvoje hramadzian Kirhizii, dvoje hramadzian Ukrainy i adzin hramadzianin RF», — skazała, u svaju čarhu, krynica RIAN.
Achviarami vykidu hazu ŭ kanalizacyjnym kałodziežy stali budaŭniki «Mosekasbuda», paviedamlaje Interfaks sa spasyłkaj na pres-słužbu maskoŭskaha ŭpraŭleńnia MNS.
Śledčy kamitet pačaŭ daśledčuju pravierku pa fakcie hibieli rabočych.
-
Dva hady tamu ZŠA prysłali samalot i zabrali ŭ dyktatara Nikarahua 222 palitviaźniaŭ. Što ź imi adbyvałasia dalej?
-
Tramp daŭ Pucinu jašče dva tydni i dapuściŭ, što zaprosić jaho na čempijanat śvietu pa futbole
-
«Ja vielmi zły z-za hetaha. Pieradaj Słavakii». Tramp adkazaŭ Orbanu na jahonuju skarhu na ŭkraincaŭ
Kamientary