U 2017 hodzie siabry NATA vydatkujuć na abaronu na 4,3% bolš, čym hodam raniej. Bolš hrošaj stali vydatkoŭvać Kanada i krainy Jeŭropy, ich vydatki vyrastuć na 12 miljardaŭ dalaraŭ. Pra heta abviaściŭ hienieralny sakratar NATA Jens Stołtenbierh u Brusieli na sustrečy ministraŭ abarony krain aljansu, paviedamlaje DW.
Hrošy pojduć na novaje ŭzbrajeńnie, praviadzieńnie vučeńniaŭ, na zarpłaty i piensii vajennch. Taksama bolš srodkaŭ budzie vydatkavana na apieracyi NATA ŭ Afhanistanie i Kosava. «Kab padtrymlivać biaśpieku našych krain, my pavinny praciahvać pracu pa pavieličeńni vydatkaŭ na abaronu i bolš spraviadlivym raźmierkavańni nahruzki siarod siabroŭ aljansu», — zajaviŭ Stołtenbierh.
Hienieralny sakratar arhanizacyi dadaŭ, što čatyry bataljony NATA va Uschodniaj Jeŭropie vyjšli ŭ červieni na ŭzrovień poŭnaj apieratyŭnaj hatoŭnaści. U kožny z hetych bataljonaŭ uvachodzić kala tysiačy čałaviek.
Tema rostu vydatkaŭ na abaronu vyklikaje rehularnyja sprečki ŭ členaŭ NATA. Tak, prezident ZŠA Donald Tramp patrabuje, kab vydatki kožnaj krainy aljansu składali da 2024 hodzie nie mienš jak 2% ad VUP, jak prapisana ŭ statucie. Pakul hetuju ŭmovu vykonvajuć tolki šeść krain: ZŠA, Hrecyja, Estonija, Vialikabrytanija, Polšča i Rumynija. Hiermanija asprečvaje mietadałohiju padliku hetych dvuch pracentaŭ.
Ciapier čytajuć
Jak u halečy śpivałasia radnia Łukašenki? Małaviadomyja fakty48
Kamientary