Archieołahi znajšli pad centram Miechika actekskuju viežu z čarapoŭ
Padčas raskopak actekskaha chrama Tempła Majar u Miechika archieołahi vyjavili viežu z 650 čerapaŭ, a taksama tysiačy inšych frahmientaŭ čałaviečych pareštkaŭ.
Dyjamietr viežy skłaŭ kala šaści mietraŭ. Zbudavańnie znachodziłasia ŭ kucie adnaho z pamiaškańniaŭ chrama, pryśviečanaha Uiciłapočtli - actekskamu bohu sonca i vajny. Da padmurka viežy raskopki pakul nie dabralisia.
Jak raspaviali śpiecyjalisty, śviedčańni ab «vialikaj viežy z čarapoŭ, jakaja ŭsialała strach u ispanskich zavajoŭnikaŭ», zachavalisia z časoŭ Ernana Kartesa — kankistadora, jaki zachapiŭ Tenačtytłan (ciapier — Miechika) u 1521 hodzie.
Historyki mierkavali, što čarapy naležali zachoplenym i pakaranym voinam — padobnyja «kurhany» sustrakajucca ŭ mnohich kultur dakałumbavaj Amieryki. Adnak archieołahi vyjavili, što ŭ viežy čarapoŭ mnohija naležali žančynam i dzieciam.
Jak miarkujecca, vieža źviazana z rytuałami čałaviečych achviaraprynašeńniaŭ, raspaŭsiudžanymi ŭ actekaŭ. U pryvatnaści, rehularnych achviaraprynašeńniaŭ patrabavaŭ i Uiciłapočtli — ličyłasia, što takim čynam boh sonca papaŭniaje siły dla bitvy ź ciemraj.
Tempła Majar - najbujniejšy chramavy kompleks Tenačtytłana. Jon byŭ pabudavany kala 1325 hoda i amal całkam razburany paśla zavajovy horada ispancami ŭ 1521 hodzie.
Chram ujaŭlaŭ saboj padvojnuju piramidu i byŭ pryśviečany dvum baham: bohu sonca Uiciłapočtli i bohu ziemlarobstva Tłałoku. U kompleks taksama ŭvachodziła vieža, pryśviečanaja bohu vietru — Eakatlu.
Reštki nižniaj častki chrama byli znojdzienyja ŭ časie rabot pa prakładcy kabiela ŭ Miechika ŭ 1978 hodzie. Pieršyja raskopki doŭžylisia da 1982 hoda, ciapier ruiny i muziej adčynienyja dla naviedvańnia. Pracy, u časie jakich byli vyjaŭlenyja čarapy, pačalisia ŭ 2015 hodzie.
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary