Biełaruś rychtuje novyja idei ŭ metach sadziejničańnia miru va Ukrainie, havorycca ŭ intervju ministra zamiežnych spraŭ Biełarusi Uładzimira Makieja ź ispanskamu vydańniu El País.
«Kali dva braty bjucca, treci pavinien pamiryć ich, — skazaŭ ministr zamiežnych spraŭ. — My nie mahli zastacca ŭ baku». Pa jaho słovach, Biełaruś rychtuje novyja idei dla taho, kab nadać novy impuls minskim damoŭlenaściam.
«My vielmi zacikaŭlenyja ŭ tym, kab mirny praces va Ukrainie praciahvaŭsia bolš dynamična», — zajaviŭ ministr. Jon rastłumačyŭ, što abvastreńnie kanfliktu akramia taho, što prynosić ekanamičnyja straty, stvaraje niebiaśpieku ŭ suviazi z mahčymaj kantrabandaj zbroi i nielehalnaj mihracyjaj.
«Prezident Biełarusi vyłučyŭ šerah inicyjatyŭ, ale nie ŭsie jany byli padtrymanyja», — kaža ministr. Niekatoryja «kanfidencyjnyja prapanovy nie atrymali nijakaha adkazu».
Biełaruś i jaje kiraŭnictva było hatovaje i da bolš rašučych dziejańniaŭ u pytańni sadziejničańnia ŭrehulavańni kryzisu va Ukrainie, skazaŭ Makiej. Paśla Alaksandr Łukašenka prapanavaŭ, kab Biełaruś «uziała na siabie asnoŭnuju adkaznaść» pa zabieśpiačeńni «žorstkaha kantrolu» na rasijska-ŭkrainskaj miažy. «Ideja nie była pryniataja ni adnym z bakoŭ», pryznaje ministr, pa słovach jakoha hetaja pamiežnaja misija Biełarusi mahła b być realizavanaja «našymi siłami abo z udziełam inšych».
«Padpisanyja 12 lutaha 2015 hoda minskija pahadnieńni zdavalisia «prymalnymi dla ŭsich, ale potym, kali ŭdzielniki viarnulisia ŭ svaje dziaržavy», pačalisia roznahałośsi, i «ciapier ciažka skazać, chto maje racyju». Pavinien być abjektyŭny miechanizm, jaki dazvolić z dakładnaściu kantralavać stupień vykanańnia ŭsich damoŭlenaściej, jakija byli dasiahnutyja abo jakija mohuć być dasiahnutyja, i ŭ vypadku ŭźniknieńnia prablemnaj situacyi pryniać miery dla jaje vyrašeńnia. Dla hetaha nieabchodna pravieści jašče adno pasiadžeńnie, niezaležna ad miesca jaho praviadzieńnia, z mahčymym udziełam inšych subjektaŭ, takich, jak ES i ZŠA, i prymusić ŭsie baki dasiahnuć kankretnyja damoŭlenaści i sačyć za ich vykanańniem».
Ministr nie chacieŭ by raskryvać detali, ale zapeŭnivaje, što «ŭrehulavańnie ŭkrainskaha kryzisu budzie abmiarkoŭvacca Alaksandram Łukašenkam z ukrainskim kaleham Piatrom Parašenkam, u bližejšy čas u Kijevie».
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary