Jeŭrasajuz razhledzić mahčymaść źnižeńnia roŭminhavych taryfaŭ dla šaści krain Uschodniaha partniorstva, u tym liku i Biełarusi. Praŭda, vynikaŭ možna čakać nie raniej za 2020 hod.
Hetaja inicyjatyva źjaviłasia paśla poŭnaj admieny roŭminhu pamiž krainami Jeŭrasajuza ŭ červieni. Ciapier dla hramadzian ES suviaź u inšych krainach kaštuje stolki ž, jak i ŭ «chatniaha apieratara».
Ciapier u Jeŭrasajuzie prapracoŭvajuć mahčymaść admianić pavyšanyja taryfy ŭ ES i dla žycharoŭ krain «Uschodniaha partniorstva» — Biełarusi, Hruzii, Armienii, Azierbajdžana, Małdovy i Ukrainy.
«Kali vy z hruzinskim numaram pajedziecie ŭ Bielhiju, to nie pavinny tam vydatkoŭvać na zvanki bolš, čym u Hruzii», — tłumačyŭ Barys Jaraševič, kiraŭnik padraździaleńnia Jeŭrapiejskaj słužby źniešnich spraŭ, jakoje pracuje z Uschodnim partniorstvam, rehijanalnym supracoŭnictvam i ABSIE.
U kamientary dla TUT.BY Jaraševič rastłumačyŭ, što na dadzienym etapie admiena roŭminhavych płaciažoŭ — heta tolki prajekt. «Spatrebicca čas, kab ažyćciavić jaho, kali heta naohuł adbudziecca», — adznačyŭ jon. Ciapier, pavodle jaho słoŭ, pravodzicca daśledavańnie ab roŭminhu. Pa jaho vynikach da kanca 2017 hoda buduć vydadzienyja rekamiendacyi dla krain Uschodniaha partniorstva.
«Pieršym krokam mohuć stać harmanizavanyja taryfy na suviaź u roŭminhu, a taksama źnižeńnie taryfaŭ u roŭminhu pamiž šaściu krainami Uschodniaha partniorstva (i pakul nie ŭ ES). Heta moža być dasiahnuta da 2020 hoda», — skazaŭ supracoŭnik Jeŭrapiejskaj słužby źniešnich spraŭ.
Pa słovach čynoŭnika, pierš čym raspaŭsiudžvać źnižanyja roŭminhavyja taryfy Jeŭrasajuza na inšyja krainy, treba acanić efiekt ad admieny ŭnutranaha roŭminhu ES. Heta zrobiać na praciahu 2018 hoda.
«Tamu na dadzieny momant my nie možam anansavać jakuju-niebudź darožnuju kartu ŭ adnosinach da pahadnieńnia pamiž ES i šaściu krainami Uschodniaha partniorstva, — padkreśliŭ Jaraševič. — Kali takoje pahadnieńnie ažyćciavicca, chutčej za ŭsio, heta adbudziecca paśla 2020 hoda».
Nahadajem, Biełaruś ciapier ruchajecca da admieny roŭminhu jašče i z Rasijaj. U kancy červienia hetuju ideju padtrymaŭ Alaksandr Łukašenka, a ŭ lipieni ŭ rasijskuju Dziarždumu ŭnieśli adpaviedny zakonaprajekt. Udzielniki rynka tady adznačali, što biez administracyjnaha resursu admianić roŭminh pamiž dźviuma krainami budzie vielmi składana.
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary