U Homieli milicyja prykavała kajdankami da dreva žurnalista-fryłansiera Žukoŭskaha
Siońnia ŭ sudzie Savieckaha rajona Homiela sudziać błohiera Maksima Filipoviča «za padmienu dziaržaŭnych ŚMI». U pierapynku sudovaha pasiedžańnia milicyja kajdankami prykavała da dreva žurnalista-fryłansiera Kastusia Žukoŭskaha za niepadparadkavańnie.
U Homieli paśla videazdymkaŭ sudovaha pasiedžańnia pa administracyjnaj spravie błohiera Maksima Filipoviča supracoŭniki DAI zatrymali žurnalista-fryłansiera Kastusia Žukoŭskaha. Jon z kalehami adjechaŭ ad budynku sudu na pryvatnaj aŭtamašynie mietraŭ dźvieście. Spyniŭ jaho padpałkoŭnik milicyi, jaki nie nazvaŭ siabie, zapatrabavaŭ dakumenty. Pahladzieŭšy, patrabavaŭ jechać u DAI na toj padstavie, što raniej u Dobrušy Žukoŭski nibyta parušyŭ praviły darožnaha ruchu.
Kastuś adkazaŭ, što nijakaj pozvy nie atrymlivaŭ i pra parušeńnie praviłaŭ darožnaha ruchu ŭ Dobrušy čuje ŭpieršyniu. I naahuł, ciapier zaniaty. Kali budzie pozva, jon pryjedzie ŭ DAI.
«Adnak padpałkoŭnik stajaŭ na svaim, vyklikaŭ padmohu. Kastusiu nadzieli kajdanki, prykavaŭšyčy jaho da dreva. Ja zdymaŭ usio na videa. U mianie adabrali videakamieru. Ja patelefanavaŭ na 102, zajaviŭ pra hvałtoŭnyja dziejańni milicyjantaŭ. Kamieru mnie viarnuli, a Žukoŭskaha zabrali ŭ DAI», — raspavioŭ słužbie manitorynhu BAŽ vidavočca i naparnik fryłansiera Andrej Tołčyn.
Jon dadaŭ, što milicyja ŭsialakim čynam pieraśleduje Žukoŭskaha za jaho fryłansierskuju dziejnaść.
Ciapier čytajuć
Što viadoma pra byłoha palitviaźnia Sakałoŭskaha, jaki pamior u Bierlinie ŭ 47 hadoŭ1
Kamientary