Top-5 samych sučasnych i pryhožych mietro śvietu — šmat FOTA
Praz 150 hod paśla adkryćcia pieršaha ŭ śviecie mietro ŭ Łondanie na płaniecie pabudavana ŭžo bolš za 200 sistem padziemnaj čyhunki. «Naša Niva» vybrała piaciorku najbolš sučasnych, pryhožych i cikavych ź ich.
1. Mietro Kapienhahiena (Københavns Metro)
Na mižnarodnaj kanfierencyi pa mietrapalitenie ŭ 2008 hodzie kapienhahienskaja padziemka była pryznanaja najlepšaj u śviecie. Dziakujučy tamu, što jana była ŭviedzienaja ŭ ekspłuatacyju tolki ŭ 2002 hodzie, było realizavana mnostva roznych sučasnych vysokatechnałahičnych rašeńniaŭ, jakija niemažliva ŭjavić u starych sistemach mietro.
Naprykład, ciahniki kirujucca aŭtamatykaj, tamu kabina mašynista nie praduhledžanaja i pasažyry mohuć nazirać za rucham praz łabavoje škło.
La kožnaje stancyi jość stajanki dla rovaraŭ. Ale dla tych, chto nie choča pakidać rovar na vulicy, možna za dadatkovuju płatu pryparkavać jaho ŭ śpiecyjalnych pamiaškańniach na stancyi.
2. Mietro Stakholma (Stockholms tunnelbana)
Źjaŭlajecca adzinym u Šviecyi i ŭjaŭlaje ź siabie adnu vialikuju mastackuju halereju. Asablivaść šviedskaha mietro ŭ tym, što jano abaznačajecca litaraj «T», a nie «M», jak my pryvykli.
Stakholmskaje mietro zapracavała 1 kastryčnika 1950 hoda. Jano składajecca z 100 stancyj, 47 ź jakich — padziemnyja, a 53 — nadziemnyja. Na momant adkryćcia mietro ŭ Šviecyi jašče byŭ levabakovy ruch, tamu dahetul na linijach mietro ruch mienavita taki.
3. Mietro Miunchiena (U-Bahn München)
votpusk.ru
Mietro ŭ Miunchienie zapracavała ŭ 1971 hodzie i na dadzieny momant maje 100 stancyj i ahulnuju daŭžyniu 103 km. Ščylnaść stancyj na 1000 žycharoŭ jość adnoj z samych vysokich u śviecie.
Dziakujučy stoadsotkavaj asnaščanaści stancyj liftami, travałatarami i eskałatarami, a taksama pradumanaj sistemie pierasadak, miunchienskaje mietro ličycca adnym z samych zručnych i sučasnych u Jeŭropie.
4. Mietro Dubai (مترو دبي)
Fota: Nepenthes
Mietro Dubai adkryłasia ŭ 2009 hodzie i źjaŭlajecca adnym z samych maładych i sučasnych u śviecie. Elektraciahniki dubajskaha mietro, jak i kapienhahienskaha, abychodziacca biez mašynistaŭ. Turysty adznačajuć prysutny paŭsiul łosk, jaki ŭłaścivy i ŭsiamu horadu.
5. Karmielit (כרמלית)
Tak nazyvajecca linija padziemnaha transpartu ŭ izrailskim horadzie Chajfa — adzinaha mietro ŭ krainie. Karmielit uniesienaja ŭ knihu rekordaŭ Hiniesa jak samaje karotkaje mietro ŭ śviecie. Linija pracuje pa pryncypie funikulora, ale jaje nazyvajuć mietro, tamu što jana prakładzienaja pad ziamloj.
Linija cikavaja tym, što pabudavanaja ź vialikim uchiłam. Pierapad vyšyni ad vierchniaj da nižniaj stancyi składaje kala 300 m. Karmielit składajecca ŭsiaho z šaści stancyj. Adlehłaść pamiž pieršaj i apošniaj — 2 km. Ciahniki ruchajucca pa adnym i tym ža šlachu ŭvierch i ŭniz. Kab jany mahli raźjechacca, na adnym učastku zroblenyja dva šlachi. Pa linii ruchajucca dva ciahniki, pa dva vahony ŭ kožnym.
Kamientary