Na vajskovych składach u rajonie abchazskaha pasiołka Prymorskaje adbyŭsia vybuch bojeprypasaŭ, paviedamili miascovyja ŭłady. Najblizkaje siało Prymorskaje evakujujuć, paviedamlaje VVS.
Pradstaŭnik MNS Abchazii zajaviŭ, što na vajskovym składzie minabarony adbyŭsia pažar. Pavodle jaho słoŭ, na miesca zdareńnia vyjechali try harnizony pažarnych. Pryčyna pažaru ŭ dadzieny momant niajasnaja.
«Vybuch prahrymieŭ na składzie ministerstva abarony Abchazii. Skład znachodzicca ŭdalečyni ad nasielenych punktaŭ. Achviar i paciarpiełych niama. Na miescy znachodziacca rabočyja hrupy minabarony i MNS», — cytuje ahienctva «Sputnik» pres-sakratara miascovaha ministerstva abarony.
Inšyja krynicy kažuć ab šmatlikich paranienych. Abchazskaja žurnalistka Nizfa Aršba paviedamiła VVS, što ŭ vyniku vybuchu «mnohija ludzi» atrymali ranieńni.
Krynica VVS zajaviła, što respublikanskuju balnicu ŭ Suchumi siłaviki ačapili u čakańni padvozu paranienych. Pierakrytaja respublikanskaja trasa «Suchum-Psoŭ».
«Pa respublikanskaj aŭtatrasie abmiežavany prajezd transpartu z-za mahčymaści trapleńnia askiepkaŭ snaradaŭ. Pryčyny zdareńnia pakul nie viadomyja, jany buduć vyznačacca adpaviednymi orhanami», — prakamientavaŭ situacyju Interfaksu premjer-ministr Biesłan Barcyc.
Ciapier čytajuć
Aryštavali byłoha pamočnika Michaiła Miaśnikoviča8
Aryštavali byłoha pamočnika Michaiła Miaśnikoviča
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary