Prakuratura Ukrainy źbirajecca vyklikać na dopyt niamieckuju techna-hrupu Scooter, jakaja pryjechała z kancertam na aneksavany Rasiejaj paŭvostraŭ Krym.
«Prakuratura nakiruje zapyty ŭ kampietentnyja orhany Hiermanii ab pradastaŭleńni mižnarodnaj pravavoj dapamohi, kab ažyćciavić dopyt udzielnikaŭ hurta», — zajaviła pres-sakratar prakuratury Aŭtanomnaj respubliki Krym Taćciana Cichončyk c efiry telekanała «112 Ukraina».
Raniej suprać muzykaŭ była raspačataja kryminalnaja sprava pa artykule «Parušeńnie paradku ŭjezdu na časova akupavanuju terytoryju Ukrainy i vyjezdu ź jaje» Kryminalnaha kodeksa Ukrainy.
Hurt adyhraŭ kancert u Sievastopali na fiestyvali ZBFest ŭ piatnicu, 4 žniŭnia.
«Scooter niezakonna prybyli ŭ Krym niahledziačy na našy papiaredžańnia. Škada. Vielmi chutka nam daviadziecca sapsavać dobry nastroj Ejč Pi Baksteru i kampanii», - prakamientavaŭ naviny ab pieramiaščeńniach niemcaŭ pasoł Ukrainy ŭ Hiermanii Andrej Mielnik u tvitary.
Da vystupu salist kalektyvu Ejč Pi Bakstera śćviardžaŭ, što hrupa znachodzicca pa-za palitykaj.
«Vielmi apalityčna», — z sarkazmam napisaŭ pasoł Ukrainy ŭ Hiermanii, adznačyŭšy, što Bakstera sustreli ŭ aeraporcie try rasijskija fiederalnyja telekanały.
Paśla kancerta lidar niamieckaha kalektyvu padziakavaŭ krymskim fanatam za padtrymku.
Krym byŭ aneksavany Rasiejaj u 2014 hodzie.
Tady ž Kijeŭ adkryŭ śpis hramadzian Rasiei, jakim zabaronieny ŭjezd va Ukrainu.
U jaho ŭvajšli śpievaki Iosif Kabzon i Aleh Hazmanaŭ, śpiavačka Łalita Milaŭskaja, akciory Ivan Achłabyścin i Michaił Parečankaŭ, režysior Mikita Michałkoŭ i inšyja.
-
U Vieniesuele vykrali palitviaźnia. Za niekalki hadzin da hetaha jaho vyzvalili z turmy
-
Padčas Supierboŭła na stadyjonie ŭ žyvym efiry zhulali viasielle. Uładalnik «Hremi» Bad Bunny vystupiŭ śviedkam i zarehistravaŭ šlub
-
SVR: ZŠA, Brytanija, Niamieččyna i Polšča rychtujuć novuju sprobu źmianić kanstytucyjny ład u Biełarusi
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary