Žoncy prezidenta Francyi Emaniuela Makrona Bryžyt nie varta nadavać aficyjny status pieršaj łedzi. Tak ličać 200 tysiač francuzaŭ, jakija padpisali adpaviednuju pietycyju, paviedamlaje VVS.
«Niama čaho žoncy kiraŭnika dziaržavy vyłučać biudžet z hramadskich srodkaŭ», — zajaviŭ inicyjatar pietycyi Ćjery Poł Valet, akcior i aktyvist ruchu za ŭsieahulnuju roŭnaść.
Tym časam francuzskija ŚMI paviedamlajuć, što ŭłady rychtujuć źmieny ŭ zakanadaŭstvie, jakija farmalizujuć rolu pieršaj łedzi Francyi.
Francuzskaja kanstytucyja nie daje žoncy prezidenta aficyjny status, chacia zvyčajna jana atrymlivaje ŭ svajo rasparadžeńnie ofis u Jelisiejskim pałacy, adnaho abo dvuch pamočnikaŭ i achovu.
Miarkujecca taksama, što jana supravadžaje svajho muža na aficyjnych mierapryjemstvach i zajmajecca dabračynnaściu.
U adnym sa svaich teleintervju ŭ chodzie pieradvybarnaj kampanii Makron skazaŭ, što kali jaho abiaruć, jon uzakonić status pieršaj łedzi.
«Budzie ŭličanaje jaje mierkavańnie ab tym, kim jana choča być, — skazaŭ jon u krasaviku ŭ efiry telekampanii TF1. — Ja chaču pakłaści kaniec hetaj francuzskaj kryvadušnaści. Kali ŭ vas jość žonka, u jaje pavinna być svaja rola, i jana pavinna być pryznanaja ŭ hetaj roli».
Makron paabiacaŭ tady, što vydatki pieršaj łedzi nie lahuć na plečy padatkapłacielščykaŭ. Adnak kryvadušnaść — heta mienavita toje, u čym Makrona abvinavačvajuć jaho krytyki.
Da Bryžyt Makron prykavanaja vialikaja ŭvaha — jak u Francyi, tak i za miažoj. Francuzskaja hazieta Liberation nazvała jaje «ŭsiudyisnaj». «Francuzy abrali mužčynu, ale ŭ Jelisiejskim pałacy vidavočna žyvie para», — napisaŭ časopis Voici.
Bryžyt Makron zajaviła časopisu Vanity Fair, što choča skarystacca prezidenctvam svajho muža dla taho, kab «źmianić žyćci invalidaŭ i ich siemjaŭ».
Tym časam papularnaść Emaniuela Makrona ŭpała. Tolki 36% vybarščykaŭ zadavolenyja jaho pracaj, pavodle niadaŭnich apytańniaŭ.
Nahadajem, Makron maładziejšy za svaju žonku na 24 hady.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki29
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary