Televiadučy Dzianis Dudzinski ažaniŭsia z kalehaj Kaciarynaj Rajeckaj FOTY
U hetyja vychadnyja biełaruski televiadučy, śpiavak i padarožnik Dzianis Dudzinski ažaniŭsia sa svajoj suviadučaj pa «Słavianskim bazary ŭ Viciebsku» Kaciarynaj Rajeckaj. Viasielle prajšło ŭ siadzibie «Załataja špora» za 40 kiłamietraŭ ad Minska.
Na ŭračystaść byli zaprošany praktyčna ŭsie samyja blizkija siabry i kalehi viadučych. Jak pryznajucca maładyja, samaje blizkaje koła rodnych i siabroŭ — heta bolš za 90 haściej. Pavinšavać novuju siamju pryjechaŭ kampazitar Leanid Šyryn, kaleha Dudzinskaha i Rajeckaj pa hurcie DaVinci. Śviata nie mahło abyścisia bieź Śviatłany Baroŭskaj razam ź jakoj Dzianis Dudzinski abudžaje krainu ŭ prahramie «Dobraj ranicy, Biełaruś».
Maładych vinšavali miedyjnyja siabry siamji: viadučyja Biełteleradyjokampanii Aleh Citkoŭ, Uładzimir Bohdan z žonkaj Lesiaj Leśnikovaj, Natalla Bibikava z mužam, akcioram Andrejem Bibikavym, pradziusar Uładzimir Maksimkaŭ, teleradyjoviadučaja ANT Hanna Šalucina śpiavačka Iskui Abalan z mužam.
Dzianis i Kaciaryna znajomyja 7 hadoŭ, razam užo 3,5 hady, za jakija jany paśpieli nie tolki «śpiecca» na italjanskaj, ale i stvaryć duet viadučych, jaki pracuje ŭ efiry i kancertnych prahramach na roznych movach. Prapanovu kachanaj televiadučy zrabiŭ u Hvatemale, a miadovy miesiac artysty razam praviaduć na Madahaskary.
Kamientary