Kali Rasija prymusić Biełaruś ekspartavać naftapradukty praź jaje čyhunki i party, heta moža być ekanamična niavyhadna i niebiaśpiečna dla samoha Minsku, śćviardžaje premjer-ministr Litvy Saŭlus Skviernialis, piša Delfi.lt.
«Napramak hruzaŭ pa čyhunkach Rasii praz party Rasii dla jaje (Biełarusi) moža być i niavyhadna ekanamična, i niebiaśpiečna stratehična, kali mieć na ŭvazie što hetyja (rasijskija) party zamiarzajuć i klimatyčnyja ŭmovy tam zusim inšyja. Heta asabliva adčuvalna, kali havorka idzie ab pieravozcy naftapraduktaŭ», — u čaćvier adznačyŭ kiraŭnik urada Litvy ŭ intervju radyjostancyi Ziniu radijas, kamientujučy zakliki prezidenta Rasii Uładzimira Pucina, kab Biełaruś pieranakiravała patoki naftapraduktaŭ z krain Bałtyi ŭ rasijskija party.
Skviernialis padkreśliŭ, što razumieje, što «va ŭschodnich dziaržavach palityčnyja rašeńni niaredka prymajucca biez uliku ekanamičnych intaresaŭ, tamu litoŭskija palityki taksama pavinny prajaŭlać aktyŭnaść, kab biełaruskija hruzy pa-raniejšamu išli pa litoŭskich čyhunkach u Kłajpiedski port.
Čytajcie:
Pucin prapanavaŭ abaviazać Biełaruś raźviarnuć naftapradukty na rasijskija party
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1414
Kamientary