Staršynia ŭpravy Polskaha telebačańnia Jacek Kurski napisaŭ MZS Polščy, što budzie vymušany likvidavać telekanał «Biełsat», kali viedamstva nie adnović jaho padtrymku, piša Radyjo Racyja sa spasyłkaj na «Dziennik. Gazeta Prawna»
Jak piša «Dziennik. Gazeta Prawna», Kurski ŭ svaim liście da ministra Vitolda Vaščykoŭskaha śćviardžaje, što choć i bačyć patrebu ŭ isnavańni telekanała dla Biełarusi, polskaje telebačańnie nie ŭ stanie samastojna jaho finansavać. I biez padtrymki ministerstva jano budzie vymušana admovicca ad «Biełsata».
«Heta nie ŭltymatum, a sproba vyratavać hety telekanał» — adznačaje staršynia ŭpravy Polskaha telebačańnia. Supracoŭnictva MZS ź dziaržaŭnym telebačańniem pry stvareńni «Biełsata» nabližajecca da zaviaršeńnia. Ministerstva admaŭlajecca ad damovy z 2007 hoda. Rašeńnie pačnie dziejničać ŭžo 31 śniežnia, a heta aznačaje, što z 2018 hoda finansavać «Biełsat» budzie abaviazanaje Polskaje dziaržaŭnaje telebačańnie.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB21
Kamientary