Mieksikanskaja kampanija Motores Limpios paviedamlaje, što ŭžo praź niekalki miesiacaŭ pačnie sieryjnuju vytvorčaść elektramabilaŭ marki Zacua. U prodažy źjaviacca adrazu dźvie madeli, ceny na jakija buduć pačynacca ad $25 tysiač.
Kiraŭnik aŭtamabilnaj kampanii Chorchie Marcines rastłumačyŭ, što nieabchodnaść vypusku elektryčnych aŭtamabilaŭ vyklikana pahrozaj hłabalnaha paciapleńnia i inšymi ekałahičnymi prablemami. Aŭtamabili z nulavym uzroŭniem vykidaŭ zmohuć stać dla krainy pieršym krokam u baraćbie z zabrudžvańniem navakolnaha asiarodździa.
Mašyny Zacua raspracavanyja sumiesna z zamiežnymi kampanijami. Francuzy z Automobiles Chatenet zrabili dyzajn elektramabila, a inžyniery ispanskaj kampanii Dynamik Technological dapamahli raspracavać «načyńnie» mašyny.
Spačatku ŭ prodažy źjavicca dvuchmiesny aŭtamabil. Jaho daŭžynia składzie try mietry, a šyrynia — paŭtara. Pry vyšyni 1,4 mietra elektrakar budzie važyć usiaho 380 kiłahramaŭ. Pry takich habarytach jon zmoža prajechać da 115 kiłamietraŭ. Maksimalnaja chutkaść aŭtamabila — 100 kiłamietraŭ u hadzinu.
Da kanca 2019 hoda vytvorca płanuje vypuścić kala 600 aŭtamabilaŭ. Sto ź ich vyjduć da kanca 2017 hoda, jašče dźvieście ŭ nastupnym hodzie. Astatnija trysta mašyn płanujuć realizavać u 2019 hodzie.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary