Akademija MUS choča stać univiersitetam i z takoj inicyjatyvaj maje namier źviarnucca ŭ Ministerstva adukacyi.
Pra takija płany ŭ intervju viedamasnaj vydańniu «Na stražie» raspavioŭ načalnik ustanovy Uładzimir Bačyła, piša Tut.by.
«Chaču na staronkach viedamasnaj haziety vyrazna akcentavać: my de-jure i de-fakta źjaŭlajemsia VNU univiersiteckaha typu, — zajaviŭ hienierał-major milicyi Uładzimir Bačyła. — My inicyjujem źmienu nazvy, kab kalehi razumieli, jaki naš status. Pa-druhoje, rearhanizacyja sistemy adukacyjnych ustanoŭ MUS idzie nie pieršy hod».
Hienierał-major padkreśliŭ, što havorki pra «miechaničnaje pierajmienavańnie» nie idzie.
«Budziem inicyjavać hetaje pytańnie pierad Ministerstvam adukacyi paśla kančatkovaha ŭdaskanaleńnia materyjalna-techničnaj i navučalna-mietadyčnaj bazy. Chutčej za ŭsio, heta adbudziecca u 2019 hodzie», — raspavioŭ surazmoŭca.
Uładzimir Bačyła taksama paskardziŭsia, što ŭ akademii šmat mižnarodnych partnioraŭ, ale časam im składana rastłumačyć jaje status.
«Adnojčy tolki za adzin tydzień my pryniali delehacyi z AAE, Uźbiekistana i Kitaja. I kožny raz, kab padkreślić status VNU, mnie davodzicca puskacca ŭ doŭhija tłumačeńni. Časam heta zrabić składana, bo nie kožny pierakładčyk hatovy da hetak doŭhaha i niaprostaha pierakładu», — patłumačyŭ Bačyła.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary