Uspyška na Soncy, jakaja adbyłasia ŭ sieradu, stała samaj bujnoj za apošnija 12 hadoŭ, havorycca ŭ paviedamleńni łabaratoryi renthienaŭskaj astranomii Sonca Fizičnaha instytuta imia Lebiedzieva RAN (FIAN), paviedamlaje TASS.
Jak adznačajuć navukoŭcy, uspyšcy 6 vieraśnia nadadzieny bał X9.3 — apošniaja ŭspyška takoj siły nazirałasia 7 vieraśnia 2005 hoda. Pa słovach ekśpiertaŭ, im jašče treba budzie zrazumieć, jak takaja mahutnaja ŭspyška mahła adbycca na fonie minimumu soniečnaj aktyŭnaści.
«U bližejšyja sutki daśledčykam treba budzie razabracca, što budzie ź Ziamloj i jaje kaśmičnymi navakollem da kanca hetaha tydnia — vybuch adbyŭsia ŭ hieaefiektyŭnaj vobłaści pablizu linii Sonca — Ziamla, adkul uździejańnie Sonca na našu płanietu źjaŭlajecca maksimalnym», — havorycca ŭ paviedamleńni.
U FIANie adznačajuć, što ŭzrovień uspyškavaj aktyŭnaści ŭ dadzieny momant pieravyšaje značeńnie 10 (dakładny bał — 10.3). Takoje značeńnie znachodzicca ŭžo za miežami zvyčajnaj kalarovaj škały, jakaja naličvaje piać značeńniaŭ (ad zialonaha da žoŭtaha, aranžavaha, čyrvonaha i maksimalnaha, fijaletavaha, uzroŭniaŭ aktyŭnaści Sonca) i adpaviadaje tak zvanamu čornamu, najvyšejšamu ŭzroŭniu aktyŭnaści.
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili4
Kamientary