Užo amal paŭtara hoda viadomy biełaruski piekar Kastuś Łarkoŭ pracuje ŭ Vilni, ale ŭ jaho instahramie i fejsbuku praciahvajuć źjaŭlacca smačnyja vyjavy novych kulinarnych tvoraŭ mastactva ź biełaruskim kałarytam. Śpiecyjalna dla «Niny» my paprasili Kastusia padzialicca receptam adnaho ź jaho pirahoŭ.
Kastusia čaściakom prosiać śpiačy piroh da jakoj-niebudź važnaj daty, padziei, a časam i biez asablivaj nahody — dla siabie dyj dla siabroŭ. Voś hetaja pryhažość u vyniku pajechała ŭ litoŭskaje Michnava z prychadžanami Nikolskaj carkvy.
Piačom bruśničny piroh — pakrokava
1. Zamiešvajem draždžavoje ciesta, stavim jaho ŭ ciopłaje miesca na 2-2,5 hadziny.
2. Hatujem načynku. Bruśnicy źlohku absypajem kruchmałam i źmiešvajem z cukram, jabłyki narazajem dolkami.
3. Dzielim ciesta na dźvie častki (nižniuju i vierchniuju). Na raskatanaje ciesta nižniaj častki piraha vykładajem načynku słajami, chavajem usio pad vierchniaj častkaj.
4. Upryhažeńni dla piraha možna rabić adrazu, pierad vypiečkaj, ale tady ich koler budzie taki samy, jak i koler asnovy. Možna ŭpryhožyć piroh paśla vypiečki i jašče na chvilin 10 pastavić jaho ŭ duchoŭku.
Ciapier Kastuś pracuje ŭ Vilni ŭ Piestro, pa-raniejšamu zajmajecca pirahami. Praŭda, pakolki kampanija robić nacisk na sytnuju načynku, to bolšaść pirahoŭ salonyja, ale jość i sałodkija, i viehietaryjanskija.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?6
Kamientary