Ułady San-Francyska nakiravali supracoŭnikam zakrytaha u pačatku vieraśnia hienkonsulstva Rasii apaviaščeńnie ab parušeńni zakona, jakoje, pa ich dumku, vyjaviłasia ŭ spalvańni śmiećcia na terytoryi dyppradstaŭnictva, paviedamlaje VVS.
Miascovyja zakony ab achovie navakolnaha asiarodździa zabaraniajuć spalvać śmiećcie ŭ miežach horada. Rasijanam pahražaje štraf.
Husty čorny dym byŭ zaŭvažany nad kominam hienkonsulstva Rasii ŭ San-Francyska 1 vieraśnia, paśla taho jak amierykanski bok zapatrabavaŭ ad rasijskich dypłamataŭ zakryć pradstaŭnictva i vyzvalić pamiaškańnie.
Pažarnyja paviedamili, što na terytoryi konsulstva spalvalisia «nieviadomyja pradmiety». Rasijskija pradstaŭniki śćviardžajuć, što zajmalisia ačystkaj pamiaškańniaŭ, pierad tym jak ich pakinuć.
U amierykanskaj pravavoj sistemie apaviaščeńnie ab parušeńni — heta aficyjny akt ab parušeńni zakonaŭ štata, na padstavie jakoha parušalnik moža być padvierhnuty štrafu, a ŭ asabliva surjoznych vypadkach — administracyjnamu abo kryminalnamu pieraśledu.
Na praktycy bok, jaki atrymaŭ takoje apaviaščeńnie, čaściej za ŭsio zhadžajecca vypłacić štraf i abaviazvajecca likvidavać nastupstvy parušeńnia.
Aficyjny pradstaŭnik MZS Rasii Maryja Zacharava nazvała pretenzii haradskich uładaŭ San-Francyska praciaham «antyrasijskaha pierformansu ŭ ZŠA».
«Čarhovaje pradstaŭleńnie razhortvajecca pad nazvaj «Ruskija atrucili San-Francyska». Navošta? U tym liku, kab apraŭdać varvarskija dziejańni amierykanskich śpiecsłužbaŭ na terytoryi rasiejskaha Hienkonsulstva», — napisała Zacharava ŭ fejsbuku.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj48
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary