Улады Сан-Францыска накіравалі супрацоўнікам закрытага у пачатку верасня генконсульства Расіі апавяшчэнне аб парушэнні закона, якое, па іх думку, выявілася ў спальванні смецця на тэрыторыі дыппрадстаўніцтва, паведамляе ВВС.
Мясцовыя законы аб ахове навакольнага асяроддзя забараняюць спальваць смецце ў межах горада. Расіянам пагражае штраф.
Густы чорны дым быў заўважаны над комінам генконсульства Расіі ў Сан-Францыска 1 верасня, пасля таго як амерыканскі бок запатрабаваў ад расійскіх дыпламатаў закрыць прадстаўніцтва і вызваліць памяшканне.
Пажарныя паведамілі, што на тэрыторыі консульства спальваліся «невядомыя прадметы». Расійскія прадстаўнікі сцвярджаюць, што займаліся ачысткай памяшканняў, перад тым як іх пакінуць.
У амерыканскай прававой сістэме апавяшчэнне аб парушэнні — гэта афіцыйны акт аб парушэнні законаў штата, на падставе якога парушальнік можа быць падвергнуты штрафу, а ў асабліва сур'ёзных выпадках — адміністрацыйнаму або крымінальнаму пераследу.
На практыцы бок, які атрымаў такое апавяшчэнне, часцей за ўсё згаджаецца выплаціць штраф і абавязваецца ліквідаваць наступствы парушэння.
Афіцыйны прадстаўнік МЗС Расіі Марыя Захарава назвала прэтэнзіі гарадскіх уладаў Сан-Францыска працягам «антырасійскага перформансу ў ЗША».
«Чарговае прадстаўленне разгортваецца пад назвай «Рускія атруцілі Сан-Францыска». Навошта? У тым ліку, каб апраўдаць варварскія дзеянні амерыканскіх спецслужбаў на тэрыторыі расейскага Генконсульства», — напісала Захарава ў фэйсбуку.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары