U AAN padali zajaŭku na pryznańnie novaj dziaržavy pamieram z Francyju
U paŭnočnaj častcy Cichaha akijana isnuje prablema suśvietnaha maštabu: płošča śmiećcia vyrasła da pamieraŭ Francyi. Z hetaje nahody ekałahičny dabračynny fond «Płastykavyja akijany» abjadnaŭsia z navinava-zabaŭlalnym partałam LadBible, kab pryniać udzieł u kampanii pa pryznańni hetaj śmiećcievaj kučy niezaležnaj krainaj.
Kampanija śćviardžaje, što ŭ adpaviednaści z Artykułam 1 Kanviencyi Montevidea 1993 hoda ab pravach i abaviazkach dziaržavaŭ, kraina pavinna mieć mahčymaść vyznačać terytoryju, farmiravać urad, uzajemadziejničać ź inšymi dziaržavami i mieć pastajannaje nasielnictva. U Vialikaj cichaakijanskaj śmiećcievaj kučy jość miežy (abo niešta nakštałt hetaha), i tamu lohka stvaryć urad i ŭstanovy dla ŭzajemadziejańnia ź inšymi krainami.
Razam z byłym vice-prezidentam ZŠA Albiertam Horam, jaki staŭ pieršym hramadzianinam «krainy», bolš za 100 000 čałaviek padpisali chadajnictva ab pradastaŭleńni hramadzianstva i ŭ pačatku vieraśnia padali zajaŭku na toje, kab Arhanizacyja Abjadnanych Nacyj pryznała Śmiećcievyja Astravy ŭ jakaści 196-j krainy śvietu.
Prajekt źjaŭlajecca stvareńniem prafiesijanałaŭ rekłamnaj industryi Majkła Chjuza i Dałatanda Ałmiejda. Dyzajnier Maryjo Kierkstra dapamoh stvaryć ściah, pašpart, valutu (z nazvaju debris, abo «debry», dasłoŭna z anhł. — «śmiećcie»), i marki.
«Kali vy ličycie, što ŭsio heta śmiešna, — adznačaje LadBible, — tady, kali łaska, padumajcie chacia b pra toje, što isnuje terytoryja, u sukupnaści roŭnaja pamieram Francyi, jakaja całkam składajecca z adchodaŭ płastyka ŭ mory».
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam5
Kamientary