Čamu «NN» tak šmat pisała pra Katałoniju hetyja dni? Niekatoryja (Palčys, Kim, Matolka) heta krytykavali. Patłumaču.
Pryčyny nie tolki emacyjnyja: biełarusam samim jašče pamiatnaja baraćba za niezaležnaść, składanaje zmahańnie, vyniku jakoha niemahčyma pradkazać. I nie prosta pamiatnaja — jašče nie zakončanaja hetaja baraćba dla nas.
Jość pryčyna miedyjnaja. Heta cikava mnohim ludziam, bo situacyja redkaja: narod sprabuje adździalicca ŭ demakratyčnaj dziaržavie Jeŭrasajuza.
I jość pryčyna palityčnaja. Tyja kažuć: budučynia — za intehracyjaj, našto hetyja asobnyja movy, asobnyja krainy. A voś majem: zamožnaja Jeŭropa, usie pravy, svaboda, a narod choča mieć svaju asobnuju dziaržavu. Pryčym z hadami hetaje imknieńnie tolki narastaje.
Čamu dla biełarusaŭ vyrašeńnie katałonskaha pytańnia taksama važnaje? Bo i našamu narodu vyhadna, kab Jeŭropa była Jeŭropaj nacyj, a nie Jeŭropaj impieryj.
Jość čaho nam pavučycca ŭ katałoncaŭ i ŭ pytańniach taktyki. Dla zdabyćcia niezaležnaści, dla vyrašeńnia zvyšzadačy tam abjadnalisia levyja i pravyja — kansiervatary, libierały i levyja radykały. Kali b hetyja try siły nie sfarmiravali adzinuju kaalicyju, jany b nie zdoleli stać bolšaściu ŭ parłamiencie i dabicca refierendumu.
Pavučalnaja i ich vyjhryšnaja staŭka na nienasille.
Mnohija nie padtrymlivajuć Katałonii prosta tamu, što jaje padtrymlivaje machavik rasijskich ŚMI. Pasłuchajcie, Rasija ŭ dadzienym vypadku vyrašaje svaje drobnieńkija złabadzionnyja zadačy — lehitymacyja Kryma, Asiecii i h.d. Rasija, dzieržymordy rasijskija pryŭładnyja, taksama tupa padtrymlivajuć usio, što, na ich dumku, uzmacniaje supiarečnaści ŭnutry ES, časam nie vielmi razumiejučy sutnaści ŭnutryjeŭrapiejskich pracesaŭ svaim palitrukoŭskim aj-kju (i tym lepš). Ale heta ich paradak dnia, nie naš.
U Biełarusi niama svajho Kryma, niama svajoj Abchazii, u nas celnaja i adzinaja kraina. Kali nas prahłynuć, to prahłynuć całkam. Adnak nas nie łyhnuć, kali Jeŭropa budzie Jeŭropaj nacyj. I ciažańka ž budzie nam, kali Jeŭropa znoŭ stanie Jeŭropaj impieryj.
Voś čamu NN sočyć u tym liku za Katałonijaj.
Ciapier čytajuć
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam4
Kamientary