«Paśla našaha z taboj pakaleńnia mužykoŭ niama». Łukašenka narakaje, što mužčyny-biełarusy «staptalisia»
Padčas pajezdki ŭ Lubanski rajon Łukašenka jaki ŭžo raz zakranuŭ demahrafičnuju prablemu ŭ Biełarusi. Padčas naviedvańnia budaŭnictva horna-ŭzbahačalnaha kompleksu ŭ Lubanskim rajonie jon siarod inšaha panarakaŭ, što ŭ Biełarusi ciapier užo zusim nie tyja nie tolki žančyny, ale i mužčyny.
Źviartajučysia da byłoha kiraŭnika «Biełaruśkalija» Ivana Hałavataha, jaki ciapier prysutničaje siarod kiraŭnictva novaha abjekta, Łukašenka skazaŭ:
«Dziaŭčaty naradžać nie chočuć. Ciapier my budziem dumać pra novyja miery padtrymki šmatdzietnych i inšych siemjaŭ. Nie tolki žyllo. Choć ja dumaŭ — žyllo pabudujem, usie pabiahuć naradžać. Ničoha padobnaha. Nie treba žyllo, usio heta…
Nu, nie ŭsie, jość narmalnyja žančyny, jakija naradžajuć. Dy i mužyki ŭžo, bačyš, staptalisia mužyki. Paśla našaha z taboj pakaleńnia mužykoŭ niama, jak ziernie vyšukvajem».
Darečy, Ivan Hałavaty, jakoha Łukašenka zaličyŭ da adnaho z saboj pakaleńnia, naradziŭsia 15 červienia 1976 hoda, to-bok jon za Łukašenku maładziejšy amal na 22 hady. Starejšy syn Łukašenki faktyčna ravieśnik Hałavataha i navat na niekalki miesiacaŭ starejšy — jon naradziŭsia 28 listapada 1975 hoda.
Panarakaŭšy na «nie tych» u paraŭnańni z raniejšymi žančyn i mužčyn, Łukašenka kinuŭsia ŭ razvahi pra toje, što pry kožnym pradpryjemstvie, jakoje budujecca, pavinna stvaracca dobraja sacyjalnaja infrastruktura — tolki bieź pieraboru z kolkaściu ludziej, kab u vyniku nie ahalić viosku, dzie nie budzie kamu pracavać.
Pry hetaj nahodzie Łukašenka nie ŭtrymaŭsia, kab nie kinuć kamień u aharod minčukoŭ, na jakich daŭno maje kryŭdy:
«Nie prosta jak u Minsku budujem-budujem-budujem-budujem — i što tołku? Panabudavali, a paśla ludzi prychodziać i kažuć: «Nu voś my tut žyviom, nam patrebna praca». I nam davodzicca chimičyć. Atrymlivajecca, nie karova da siena idzie, a siena da karovy. Tamu — arendnaje žyllo pad vytvorčaść. […] Tady budzie tołk u krainie».
«Davajcie budziem palivać». Łukašenka raskazaŭ pra ekśpierymient, jaki maje vyrašyć prablemy z bulbaj
Łukašenka: Prodažy kalijnych uhnajeńniaŭ viarnulisia na dasankcyjny ŭzrovień
Łukašenka paraŭnaŭ horna-ŭzbahačalny kambinat u Lubanskim rajonie z atamnaj stancyjaj
Łukašenka pryznaŭsia, što ciapier nadta ciažka zbyć biełaruskaje masła
Ciapier čytajuć
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia25
Kamientary