Źjaviŭsia dadatak, jaki adsočvaje «sumnieŭnyja vyjavy» na smartfonie dziaciej
Brytanskaja kampanija YIPO raspracavała dadatak Gallery Guardian, jaki dapamahaje baćkam sačyć za tym, što dasyłajuć ich dzieci i jakija malunki jany zachoŭvajuć u svaim telefonie.
Gallery Guardian vykarystoŭvaje ałharytmy, kab raspaznać vyjavy aholenaha cieła i «luby seksualny kantent», jaki atrymlivaje abo adpraŭlaje dzicia.
Dadatak dasyłaje baćkam apaviaščeńnie, kali dzicia atrymlivaje abo adpraŭlaje sumnieŭnyja malunki, pry hetym baćki nie bačać sami zdymki. Kiraŭnik kampanii-raspracoŭščyka YIPO Technologies Daniel Skaŭronski rastłumačyŭ, što raspracoŭščyki zrabili tak naŭmysna.
Z Gallery Guardian baćki zmohuć abaranić dzicia i adnačasova nie parušać ich asabistuju prastoru.
Pa słovach Skaŭronski, dadatak taksama daje baćkam spasyłki na karysnyja resursy i padkazvaje, jak lepš pahavaryć ź dziciom ab mahčymaj prablemie.
U krasaviku dadatak byŭ dastupny tolki ŭ Vialikabrytanii, zaraz jon jość u inšych krainach, u tym liku i ŭ biełaruskim AppStore i Google Play.
Smartfony baćkoŭ možna sinchranizavać z telefonami dziaciej. Dla hetaha nieabchodna dadać dadzienyja dziciaci ŭ dadatku, paśla čaho jon dašle kod dla sinchranizacyi z telefonam dziciaci, kudy taksama treba ŭstalavać Gallery Guardian. Miarkujučy pa skrynšotach, dadatak taksama moža vyznačać miescaznachodžańnie dziciaci.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy18
Kamientary