Seks: dzie skančajecca zalacańnie i pačynajecca hvałt
Piša Staś Karpaŭ.
Nie, naturalna ja nie abaraniaju «prava» čałavieka hvałcić inšaha čałavieka.
Nie, ja nie liču što chapańnie ludziej za častki ciełaŭ heta - norma samo pa sabie.
Ale ja liču, što čałaviečyja adnosiny i čałaviečaja seksualnaść kudy bolš składanyja za trend spačuvańnia achviaram seksualnaha damahalnictva.
A ŭ hetaj płyni ŭsieahulnaha asudžeńnia damahalnictvaŭ niama hałoŭnaha. Niama žadańnia raździalić - dzie zakančvajecca zalacańnie i pačynajecca hvałt, a jość sproba, skarystaŭšy hramadskuju empatyju, kryminalizavać naturalnaść čałaviečych uzajemadačynieńniaŭ.
Bo nastojlivaść zalacańniaŭ - nie jość złačynstvam samo pa sabie.
Bo chapańnie za kalenku - nie jość złačynstvam samo pa sabie.
Bo pacałunak biez papiaredžańnia - nie jość złačynstvam sam pa sabie.
I jašče skažu takuju štuku.
Słuchać achviaraŭ seksualnaha ci luboha inšaha hvałtu - abaviazkova treba, kab zrazumieć prablemu hłyboka. Ale na asnovie zdolnaści hramadstva spačuvać nielha stvarać paradyhmu adnosinaŭ dla hetaha hramadstva, bo jano składajecca nie z achviaraŭ. Achviara - heta vyklučeńnie, a nie norma.
Bo, kali vyvodzić normu z farmalnych kryteryjaŭ hvałtu, vyśvietlicca, što mužčyna, jaki «ŭhavarvaje» svaju žančynu zaniacca seksam, pačesvajučy joj pad kalenkaj, paśla adkazu, što «ŭ jaje niama nastroju» - ažyćciaŭlaje hvałt.
Student, jaki na praciahu piaci kursaŭ ciahajecca za dziaŭčynkaj - pieraśleduje jaje.
Praz 5 hadoŭ jon moža ci atrymać sudovuju zabaronu na nabližeńnie, ci uziać jaje za žonku. I jana budzie ci z žacham raskazvać, jak čuvak jaje dastaŭ, ci śmiajacca, raskazvajučy siabroŭkam ramantyčnuju historyju pra toje «jak jon jaje dabivaŭsia»
Jašče raz. Empatyja patrebnaja, ale patrebnaja nie tolki jana. Nielha vyvodzić praviła dla ŭsich - z traŭmaŭ adzinak.
Niekatoryja žančyny abažajuć znaki ŭvahi ad mužčynaŭ. Inšych heta razdražniaje.
Ale ci varta dyskryminavać adnych u imia kamforta inšych?
Moža być, varta prydumać kodavaje słova, jakoje pavinien skazać čałaviek, kab adnaznačna prademanstravać svaju niapryjaź?
Ja nie viedaju.
Ja viedaju, što ja b nie chacieŭ žyć u śviecie, dzie zapratakaliravana adzinaje, što my lubim za niezrazumiełaść i nieprahnazavanaść.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki7
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary