Viciebski abłasny sud prysudziŭ da 12 hadoŭ źniavoleńnia raniej sudzimaha 34-hadovaha žychara Połacka.
U 2013 hodzie abvinavačany vyjechaŭ u Hiermaniju, dzie paznajomiŭsia ź biežancami z Čačni i Dahiestana, źmianiŭ vieravyznańnie i pryniaŭ radykalny isłam. Paśla hetaha pałačanin pačaŭ raspaŭsiudžvać praz Ukantakcie prapahandysckija materyjały Isłamskaj dziaržavy.
U 2015 hodzie jon byŭ departavany z Hiermanii, adnak nie spyniŭ svajoj dziejnaści. Aproč Ukantakcie, jon pačaŭ rassyłać relihijna-ekstremisckija materyjały praz WhatsApp i «Telehram».
Letaś isłamist pačaŭ cikavicca vybuchoŭkami i nabyŭ u adnym z rajcentraŭ chimičnyja i elektratechničnyja kampanienty dla ich vyrabu. Vykarystaŭšy instrukcyju, znojdzienuju ŭ internecie, jon vyrabiŭ vybuchovaje rečyva, jakoje zachoŭvaŭ u kvatery pa miescy svajho žycharstva da vyjaŭleńnia 28 kastryčnika 2016 hoda supracoŭnikami pravaachoŭnych orhanaŭ.
«Taksama ŭ kvaterach pa miescy žycharstva i pa miescy rehistracyi abvinavačanaha byli znojdzienyja hatovyja da zboru składniki srodku inicyjavańnia i samarobnaj vybuchovaj pryłady», — paviedamlaje Viciebski abłasny sud.
Akramia taho, abvinavačvanaha inkryminavali raspaŭsiud pornamateryjałaŭ praz sacyjalnyja sietki.
Takim čynam, jon pryznany vinavatym u raspalvańni relihijnaj i sacyjalnaj varožaści, raspaŭsiudzie pornamateryjałaŭ, a taksama niezakonnym vyrabie i zachoŭvańni vybuchovych rečyvaŭ. Ahulny termin pakarańnia — 12 hadoŭ kałonii strohaha režymu.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach11
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary