22-hadovy radavy Michaił Biaŭziuk byŭ znojdzieny paviešanym u 2015 hodzie. Kryminalnaja sprava zavodziłasia, ale była prypynienaja. Ciapier svajaki nastajali na adnaŭleńni kryminalnaj spravy.
Juryj, brat zahinułaha, nie chavaje — adnaŭleńnie spravy źviazana z rezanansam vakoł śmierci Alaksandra Koržyča.
«Michaił pajšoŭ u armiju ŭ 2014 hodzie, słužyŭ u tankavych vojskach. Prykładna praz paŭhoda nam patelefanavali i paviedamli — jaho znajšli paviešanym, — uzhadvaje Jury. — U 2015 hodzie kryminalnuju spravu zavodzili, paźniej nam paviedamlali, što jana prypynienaja — i ŭsio, cišynia. My nie viedali što rabić. A paśla śmierci Koržyča znajšli pravaabaroncaŭ pajšli da ich, napisali zajavu».
U kancy listapada da pravaabaroncy Leanida Sudalenki, jaki dapamahaje Biaŭziukam pryjšoŭ list sa Śledčaha kamiteta: 17 listapada 2017 hoda pa fakcie śmierci Michaiła zaviedziena kryminalnaja sprava pa artykule «Daviadzieńnie da samahubstva».
Juryj Biaŭziuk spadziajecca, što vinavatych u śmierci jaho brata znojduć i pakarajuć. Chłopiec nie vieryć, što Michaił moh paviesicca sam, upeŭnieny, što brata daviali.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ12
Kamientary