Kiraŭnik HA «Za svabodnaje raźvićcio pradprymalnictva» Aleś Taŭstyka i hramadski aktyvist Uładzimir Padhoł źviarnulisia da Alaksandra Łukašenki i hienieralnaha prakurora Alaksandra Kaniuka z prapanovaj spynić viaščańnie rasiejskaha NTV u Biełarusi, bo telekanał abražaje biełaruskuju dziaržavu i jaje kiraŭnictva, paviedamlaje Biełsat.
Aŭtary zvarotu nahadvajuć, što 27 listapada ŭ tok-šou NTV «prahučali źviestki i acenki, u jakich prynižalisia honar i hodnaść našaj Respubliki, jaje hramadzian i, adpaviedna, nas asabista».
«Hučali vyrazy, u jakich Biełaruś paraŭnoŭvałasia z «prastytutkaj», «hulaščaj žonkaj», a jaje kiraŭnik abvinavačvaŭsia ŭ amaralnaści i hrašovaj mierkantylnaści dy pradažnaści. Ličym, što tym samym Biełarusi, jaje hramadzianam i jaje kiraŭniku i nam asabista naniesieny maralny ŭron, źniavažanyja naša honar i hodnaść, što pryviało da našych «fizičnych i maralnym pakutaŭ», — pišuć Padhoł i Taŭstyka.
«Ličym nieabchodnym na čas prakurorskaha rasśledavańnia prypynić viaščańnie ŭ teleefiry Biełarusi hramadska-infarmacyjnych telepieradač telekanału NTV Rasiei. Z ulikam, taho, što ahresiŭnyja dziejańni NTV nosiać sistemny charaktar (naprykład filmy «Baćka-1» 2 i hetak dalej u 2010 hodzie), prapanujem zamianić telepieradačy NTV pieradačami telekanału «Biełsat», jaki ni razu nie ździejśniŭ infarmacyjnych dziejańniaŭ jakija nanieśli straty reputacyi, honaru i hodnaści Biełarusi jaje hramadzianam i kiraŭniku dziaržavy», — adznačajuć aktyvisty.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»25
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna29
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary