Biełaruski sajuz dyzajnieraŭ (vuł. Bryleŭskaja, 14). 19:00.
22 śniežnia adbudziecca prezientacyja debiutnaj knihi vieršaŭ «Padsłuchanaje ścienami šmatpaviarchovak» maładoha aŭtara Janki Kalinoŭskaha, narodžanaha ŭ XXI stahodździ.
Tvory Janki vyznačajucca ščyraściu pieražyvańniaŭ, bahaćciem litaraturnych i muzyčnych adsyłak, pieravažna minornym nastrojem i lohkim upłyvam estetyki nieadekadansu.
Akramia aŭtara ŭdzieł u imprezie voźmuć paet Viktar Žybul, jaki redahavaŭ knihu, i Fiodar Žyvaleŭski, salist hurta «Hołaja manaška», jaki praśpiavaje niekalki pieśniaŭ.
«Viedajecie, ja davoli daŭno publikuju svaje vieršy ŭ sacyjalnych sietkach, dzie atrymlivaju, u asnoŭnym, pazityŭny fidbek, — kaža Janka. — Dyk voś anłajn-čytačy pačali ŭ žart zapytvacca: «Janka, kali zbornik, kali zbornik užo?». U peŭny momant litaralna ŭ hałavu strelnuła — voś zaraz. Abo zaraz, abo ŭžo praź vielmi doŭhi čas!»
Małady aŭtar natchniajecca paezijaj Bahdanoviča, Karatkieviča, Žybula i ramanami Remarka: «Adčuvaju ŭ ich pulsavańnie žyćcia!»
Sačyć za detalami imprezy možna na staronkach padziei ŭ Fejsbuku i Ukantakcie.
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka5
Kamientary