U Kitai zaŭvažyli amurskuju tyhrycu ź piaćciu tyhraniatami. Heta ŭnikalny vypadak VIDEA
U Nacyjanalnym parku tyhraŭ i leapardaŭ na paŭnočnym uschodzie Kitaja dzikaja amurskaja tyhryca była ŭpieršyniu zaŭvažanaja ź piaćciu małymi. Zvyčajna ŭ samak tyhra naradžajecca ad adnaho da čatyroch tyhraniat, tamu hety vypadak unikalny, paviedamlaje vydańnie IFLScience.
Jak adznačajuć ekśpierty Suśvietnaha fondu dzikaj pryrody (WWF), heta «nadzvyčajnaja źjava». Pa słovach kiraŭnika hłabalnaj prahramy WWF pa tyhrach Ściuarta Čepmana, heta pieršy vypad u historyi nazirańniaŭ, kali ŭ Kitai ŭdałosia zafiksavać maci ź piaćciu dzicianiatami.
Hetaj tyhrycy prykładna dzieviać hadoŭ, a jaje naščadkam ad šaści da vaśmi miesiacaŭ. Kadry byli zroblenyja ŭ listapadzie 2025 hoda ŭ nacyjanalnym parku, jaki źjaŭlajecca najbujniejšym zapaviednikam dla tyhraŭ u śviecie i krytyčna važnym miescam dla žyćcia amurskich tyhraŭ, što siońnia znachodziacca pad pahrozaj źniknieńnia.
Fakt najaŭnaści šaści dzikich tyhraŭ u adnym kadry śviedčyć pra efiektyŭnaść kitajskich pryrodaachoŭnych mier. Urad Kitaja i navukoŭcy šmat hadoŭ pracujuć nad zachavańniem hetaha vidu, jaki źnikaje.
Źjaŭleńnie hetaj siamji simvaličnaje, bo kolkaść amurskich tyhraŭ u Kitai ciapier pavialičvajecca paśla krytyčna nizkaha ŭzroŭniu ŭ 20 asobin u 2010 hodzie. Pryblizna pałova dzikich tyhraniat nie dažyvaje da dvuch hadoŭ navat u rehijonach z dastatkovaj dla ich kolkaściu ježy.
Siońnia amurskija tyhry ŭvachodziać u adnu z najbujniejšych papulacyj tyhraŭ u śviecie, choć u 1930‑ch hadach hety vid apynuŭsia na miažy źniknieńnia. Asnoŭnaja častka papulacyi žyvie na rasijskim Dalokim Uschodzie.
«Najlepšaje ŭ žyćci — bačyć, jak uźlatajuć ci ŭciakajuć tyja, kamu my dapamahli». Biełaruska raskazała, jak ratuje dzikich žyvioł
«Lepš było b jaho ŭsypić». Zaołah raskazaŭ, jakaja niebiaśpieka dla Biełarusi moža być ad janota, jakoha znajšli mytniki ŭ kantejniery z ZŠA
Na Hrodzienščynie pakazali, jak zimoj padkormlivajuć zubroŭ
U Babrujskim rajonie kazula niečakana vyjšła da ludziej FOTAFAKT
Kuzurki — pažyŭnaja i ekałahičnaja ježa. Čamu ž ludzi nie chočuć ich jeści?
Va Urocłaŭskim zaaparku maleńki aleń napaŭ na vializnaha nasaroha VIDEA
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary