Eks-kiraŭnik ekanomiki Kazachstana Kuandyk Bišymbajeŭ na sudzie paprasiŭ prabačeńnia ŭ prezidenta Nursułtana Nazarbajeva, pieradaje Tengrinews. Niahledziačy na heta, svajoj viny jon nie pryznaŭ.
Bišymbajeŭ, abvinavačany ŭ rastracie i atrymańni chabaru, publična zajaviŭ, što «padvioŭ» prezidenta. «Ja ŭśviedamlaju, što vinavaty pierad prezidentam. Ludzi, jakich ja viedaju, jakich zaprasiŭ na pracu: Žaksybajeŭ, Džakupaŭ i inšyja, padviali mianie, ja niasu za heta adkaznaść pierad kiraŭnikom dziaržavy. Za ŭsiu hetuju situacyju i soramna, i baluča, što nie apraŭdaŭ davier prezidenta. Ja tak pamyliŭsia ŭ padbory kadraŭ. Nabliziŭ ludziej, jakija vykarystoŭvali mianie i moj davier. Ja prašu ŭ kiraŭnika dziaržavy, va ŭsiaho našaha naroda prabačeńnia za heta», - skazaŭ jon.
Taksama eks-ministr padkreśliŭ, što «mienavita na čale dziaržavy abaviazany usimi svaimi prafiesijnymi dasiahnieńniami». «Usie zadačy, jakija prezident staviŭ, usio heta rabiłasia dla hramadzian Kazachstana: žyllo, praca, pracoŭnyja miescy. Ja hłyboka ŭdziačny prezidentu za toje, što mnie, maładomu čałavieku, jon davieryŭ i daŭ mahčymaść słužyć jamu i krainie na samym vysokim uzroŭni», - skazaŭ jon.
Bišymbajeŭ byŭ zatrymany ŭ studzieni 2017 hoda. Ministerstva ekanomiki krainy jon uznačalvaŭ z 6 maja pa 28 śniežnia 2016 hoda, staŭšy členam urada ŭ 36 hadoŭ. Jaho abvinavacili ŭ nieadnarazovym atrymańni chabaru ŭ asabliva bujnym pamiery i rastracie.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary