Hałkipier Siarhiej Vieramko pierajšoŭ z barysaŭskaha BATE ŭ futbolny kłub «Minsk», paviedamlaje kłub.
Siarhiej Vieramko źjaŭlajecca vychavancam SDIUŠAR «Minsk», ale karjeru pačaŭ u 2000 hodzie ŭ minskim «Dynama».
Zatym jon hulaŭ niekalki siezonaŭ za charkaŭski «Arsienał», a ŭ 2006-m viarnuŭsia ŭ Biełaruś i vystupaŭ za haradzienski «Nioman». U 2008 hodzie hałkipier pierajšoŭ u BATE, paśla čaho pravioŭ siezon u «Sievastopali», z 2011 pa 2015 hod hulaŭ u rasijskim čempijanacie za samarskija «Kryły Savietaŭ» i «Ufu».
U 2016-m Siarhiej viarnuŭsia ŭ BATE, u składzie jakoha ŭ ahułam staŭ piacirazovym čempijonam Biełarusi, dvojčy vyjhravaŭ Supierkubak i adzin raz Kubak krainy. U 2007, 2009 i 2010 hadach pryznavaŭsia lepšym varatarom čempijanatu Biełarusi.
U minułym siezonie Siarhiej Vieramko apynuŭsia ŭ centry hučnaha skandału, z-za jakoha BATE moh zastacca biez załatych miedaloŭ. U hulni sa svaim ciapierašnim kłubam Vieramko hruba atakavaŭ arbitra, za što byŭ dyskvalifikavany i aštrafavany.
Paśla vyśvietliłasia, što štraf jon apłaciŭ nie ŭ čas, i z BATE byli źniatyja 3 ački ŭ pieramožnym pajadynku sa «Słuckam» (6:0), u jakim Vieramko byŭ zapasnym bramnikam. Adnak zatym apielacyjny kamitet asacyjacyi «Biełaruskaja fiederacyja futboła» admianiŭ hetaje rašeńnie — i futbalisty BATE ŭ 14-y raz stali čempijonami krainy.
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady4
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary