Na VIDEA pakazali raniej sakretnuju apieracyjnuju sistemu novaha pakaleńnia, jakaja, imavierna, zamienić Android
U samym pačatku 2018 hoda amierykanskaja karparacyja Google dazvoliła raspracoŭščykam pačać testavańnie novaj apieracyjnaj sistemy Fuchsia, što raniej raspracoŭvałasia sakretna. I voś, źjaviłasia pieršaje videa, na jakim pakazvajecca sama sistema, ustalavanaja na noŭtbuk Pixelbook, i jaje asnoŭnyja pracoŭnyja aśpiekty.

Google pakul aficyjna nie vypuskaje svaju treciuju apieracyjnuju sistemu, bo jana jašče vielmi niedapracavanaja.
Ale kali Fuchsia budzie aficyjna pradstaŭlena, jana, nu dumku mnohich analitykaŭ, «zabje» Android i Chrome OS, prapanavaŭšy karystalnikam adzinuju płatformu dla mabilnych i nastolnych pryład, bo mienavita funkcyjanału nie chapaje ŭ sučasnych mabilnych AS.
Vaśmichvilinnaje videa, apublikavanaje partałam arstechnica.com, pakazvaje Fuchsia na noŭtbuku Pixelbook ad Google. Choć Fuchsia pakul pasuje tolki dla demanstracyi idej Google adnosna budučyni apieracyjnych sistem, niekatoryja rašeńni vyhladajuć vielmi karysnymi.
Na videa možna ŭbačyć roznyja režymy pracy Fuchsia na smartfonie, płanšecie i noŭtbuku. Akramia taho, demanstrujecca šmatzadačny interfiejs, a taksama roznyja paralelnyja ekrannyja režymy dla dadatkaŭ. Fuchsia, darečy, źjaŭlajecca pieršaj AS, pabudavanaj na ŭłasnym jadry Google z vykarystańniem ułasnaje movy prahramavańnia.
Ab novaj apieracyjnaj sistemie stała viadoma ŭ žniŭni 2016 hoda. Google pa-raniejšamu nie raskryvaje jaje detali i metu, ale vyrašyła zrabić Fuchsia adkrytaj dla inšych raspracoŭnikaŭ.
Čytajcie taksama: Google dazvoliła testavać novuju apieracyjnuju sistemu, jakaja moža zamianić Android
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru
Kamientary