Na borcie źnikłaha ŭ Japonskim mory rasijskaha pramysłovaha sudna «Uschod» znachodzicca 29-hadovy biełarus Alaksandr Karankievič,
paviedamlaje STB sa spasyłkaj na MNS Prymorskaha kraja Rasii.
Karankievič naradziŭsia ŭ Rečycy, u Homielskaj vobłaści. Paźniej razam z maci pierajechaŭ na Sachalin. Iryna, maci chłopca, pracuje piedahoham, žyvie ŭ horadzie Korsakaŭ.

Ahułam na «Uschodzie» pracuje 20 čałaviek. Karabiel nie mohuć znajści z 24 studzienia — kali z «Uschoda» pastupiŭ sihnał biedstva. Ratavalniki znachodzili pustyja płyty, vyratavalnyja kamizelki, ale bieź ludziej.

Pošuki praciahvajucca. U ich udzielničajuć karabli, avijacyja. Ratavalniki abśledavali amal 30 tysiač kvadratnych kiłamietraŭ, ale los «Uschoda» dahetul nieviadomy.
Kamientary