Va Ukrainie źjaviłasia «Nacyjanalnaja družyna» — paramilitarnaja arhanizacyja, jakaja stavić svajoj metaj ustalavańnie «ŭkrainskaha paradku» i składajecca z byłych i dziejnych bajcoŭ pałka «Azoŭ», a taksama inšych ludziej pravych pohladaŭ.
«Nas šmat, my nie baimsia ŭžyvać siłu, kab ustalavać na vulicach Ukrainski paradak», — paviedamlajecca ŭ fejsbuku novaj arhanizacyi.
Voś videa ź ich pakazalnaha šeścia pa centry Kijeva 28 studzienia: siabry arhanizacyi nosiać svaju ŭniformu, častka ź ich — z zakrytymi tvarami, apranutyja va ŭsio čornaje.
Arhanizacyja zajaŭlaje, što dla ich nie źjaŭlajucca aŭtarytetami kiraŭnik MUS Ukrainy Arsen Avakaŭ i prezident Piatro Parašenka.
Na sajcie «Nacyjanalnaj družyny» možna pakinuć zajaŭku na «vyrašeńnie prablemy».
«Družyńniki» ŭžo adznačylisia ŭvarvańniem u miascovuju radu Čarkasaŭ, a taksama bojkaj ź milicyjaj.
Admietna, što siarod pieršych asobaŭ «Nacyjanalnaj družyny» — biełarus Siarhiej Karatkich, pa mianušcy Maluta.
U Biełarusi Maluta skončyŭ Instytut dziaržaŭnaj biaśpieki (pa jahonaj ułasnaj viersii — tolki 2 kursy), byŭ źviazany z RNIE i asabista sa śpiecnazaŭcam Ihnatovičam, jakomu prypisvajuć žorstkaje zabojstva azierbajdžanskaj siamji ŭ Minsku, a taksama vykradańnie apieratara Dźmitryja Zavadskaha.
Častka bijahrafii Maluty zaciahnuta tumanam, da taho momantu, pakul jon nie ŭspłyŭ na vajnie va Ukrainie. Tam Karatkich dasłužyŭsia da načalnika vyviedki «Azova» i pieršym z zamiežnikaŭ atrymaŭ z ruk Parašenki ŭkrainski pašpart. Potym kupiŭ sabie samalot, kvateru ŭ Kijevie i zadekłaravaŭ, što pazyčyŭ inšaj asobie paŭmiljona dalaraŭ.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary