Siońnia ŭ Minskim haradskim sudzie byŭ vyniesieny prysud Dźmitryju Alimkinu, Juryju Paŭłaŭcu i Siarhieju Šyptenku, aŭtaram publikacyj na prarasijskich sajtach. Sud pryznaŭ ich vinavatymi ŭ naŭmysnych dziejańniach, nakiravanych na raspalvańnie nacyjanalnaj varožaści abo roźni, učynienych hrupaj asob. Jany atrymali piać hadoŭ pazbaŭleńnia voli z adterminoŭkaj na try hady, usich troch vyzvalili ŭ zale suda pad padpisku ab niavyjeździe.
Padtrymać na abviaščeńnie prysudu pryjšli paŭsotni čałaviek.
Nahadajem, što dacent BDUIR Juryj Paŭłaviec, brescki achoŭnik Dźmitryj Alimkin i hałoŭny redaktar časopisa «Novaja ekanomika» Siarhiej Šyptenka byli zatrymanyja ŭ śniežni 2016 hoda z-za publikacyi na sajtach rasijskich vydańniaŭ «Riehnum», Lenta.Ru i EurAsia Daily. Za publikacyi na ich zaviali kryminalnuju spravu pa č. 3 art. 130 (Raspalvańnie rasavaj, nacyjanalnaj abo relihijnaj varožaści abo roźnicy, ździejśnienaje hrupaj asob, - ad 5 da 12 hadoŭ pazbaŭleńnia voli). Sa śniežnia 2016 hoda troje zatrymanych znachodzilisia pad vartaj.
U červieni 2017 hoda na Paŭłaŭca i Šyptenku zaviali novuju kryminalnuju spravu pa artykule ab niezakonnaj pradprymalnickaj dziejnaści.
U sakaviku ŭ Maskvie pa zapycie biełaruskich śledčych zatrymali šef-redaktara «Rehnuma», biełaruskaha hramadzianina Juryja Barančyka. Ale ekstradycyi nie adbyłosia — maskoŭski sud vyzvaliŭ jaho z-pad aryštu. Sam Barančyk padaŭ prašeńnie ab palityčnym prytułku.
Sud na Alimkinym, Paŭłaŭcom i Šypcienka pačaŭsia 18 śniežnia
Prakuror paprasiŭ u suda dla aŭtaraŭ «Rehnuma» 5 hadami pazbaŭleńnia voli z adterminoŭkaj pakarańnia na 3 hady.
Čytajcie taksama:
U Minsku pačaŭsia praces pa spravie aŭtaraŭ prarasijskaha internet-resursu Regnum
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary