Karystalniki iPhone X nie mohuć prymać uvachodnyja zvanki, a ŭładalniki AirPods skardziacca na hałaŭny bol
U internecie raspaŭsiudziłasia infarmacyja ab pamyłcy, jakaja ŭźnikaje padčas ŭvachodnych zvankoŭ, jakija pastupajuć na iPhone X. Karystalniki skardziacca, što nie mohuć pryniać vyklik i nie bačać, chto im telefanuje.
Pradstaŭniki Apple paviedamili, što ŭžo źviarnuli ŭvahu na skarhi ludziej i sprabujuć vyśvietlić, čamu smartfony tak pracujuć. Pry hetym u kampanii nie patłumačyli, praź jakija pryčyny moža ŭźnikać hetaja prablema i kali jaje vypraviać.
Heta daloka nie pieršaja skarha na iPhone X. Adrazu paśla vychadu ŭ fłahmana Apple nie pracavaŭ ekran na marozie. Zatym karystalniki skardzilisia na tresk dynamikaŭ. Dajšło da taho, što niekatoryja abvinavacili pryładu ŭ tym, što jana vyryvaje vałasy z hałavy.
Siarod apošnich praduktaŭ Apple mienš za ŭsio krytyki dastałasia mienavita AirPods, ale, napeŭna, nadyjšoŭ i ich čas. Karystalniki forumu Apple masava paviedamlajuć ab hałaŭnych bolach ad vykarystańnia biespravadnych navušnikaŭ kampanii.
Pieršapačatkova ab takoj prablemie paviedamiła usiaho paru čałaviek, ale nieŭzabavie pad hetymi słovami padpisalisia jašče kala 200 karystalnikaŭ. Usie jany adčuvajuć adnolkavyja simptomy pry vykarystańni AirPods — hałaŭny bol i cisk u skroniach. Karystalniki ŭpeŭnienyja, što prablema palahaje mienavita ŭ navušnikach.
Apple nie dajuć kamientaroŭ z hetaj nahody, ale padobnuju prablemu pradbačyli jašče ŭ 2016 hodzie. Tak, doktar Džoeł Maskovic z Kalifarnijskaha ŭniviersiteta Bierkli zajaviŭ, što navušniki pieradajuć słabyja radyjochvali. Pavodle jaho słovaŭ, heta toje ž samaje, što «zasunuć mikrachvaloŭku sabie ŭ vušy».
-
Kampanija OpenAI pryniała rašeńnie kančatkova adklučyć svaju papularnuju madel štučnaha intelektu ChatGPT-4o
-
Kaniec epochi całkam biaspłatnaha ŠI? U ChatGPT źjaŭlajecca rekłama, i voś jak jana budzie vyhladać
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami9
Kamientary