Siońnia Łukašenka pryznačyŭ Dźmitryja Žuka hałoŭnym redaktaram haziety «Sovietskaja Biełoruśsija». Pavieł Jakubovič uznačalvaŭ hazietu ź lipienia 1995 hoda. U kamientary tut.by jon raspavioŭ, što rašeńnie syści było pryniata im jašče ŭ śniežni.
— Heta było čakanaje rašeńnie, pytańnie majho sychodu ja ŭzdymaŭ u Administracyi prezidenta jašče ŭ śniežni minułaha hoda. Majo rašeńnie źviazana sa stanam zdaroŭja, mnie ž užo šmat hadoŭ (jon 1946 hoda naradžeńnia). Ja 24 hady ŭznačalvaŭ samuju bujnuju redakcyju, i bolš u mianie niama sił rabić heta. Da siońniašniaha dnia ja vykonvaŭ svaje abaviazki, —raspavioŭ Pavał Izotavič.
Eks-kiraŭnik «SB» u apošni čas vielmi aktyŭna prasoŭvaŭ pytańnie ŭstalavańnia miemaryjału ŭ Kurapatach. Pa słovach Paŭła Jakuboviča, pa miery sił, jon praciahnie zajmacca hetym pytańniem.
— Pastarajusia być čymści karysny dziaržavie, ludziam i sabie. Pakul nie vyznačyŭsia, čym sapraŭdy budu zajmacca, ale pracavać aficyjna ŭžo dakładna nie budu, - raspavioŭ Pavał Jakubovič. — Mnie było b vielmi baluča pakidać temu Kurapataŭ, bo ŭsio, što było mnoju abiacana, zroblena, zastalisia tolki drobnyja techničnyja prablemy. Miarkuju, što praz karacieńki pierapynak budu i dalej prasoŭvać hetaje pytańnie»
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary