Kalifarnijskuju deputatku i aktyvistku ruchu suprać charasmientu Kryścinu Harsija abvinavacili ŭ seksualnych damahańniach, paviedamlaje Lenta.ru sa spasyłkaj na Associated Press.
Daniel Fijera, jaki pracavaŭ u inšaha deputata, raspavioŭ, što aktyvistka damahałasia jaho ŭ 2014 hodzie. Pa słovach Fijery, Harsija hładziła jaho pa śpinie, dakranałasia da jahadzic i sprabavała dakranacca da pramiežnaści.
Z adkrytym abvinavačvańniem Daniel Fijera vystupiŭ tolki ŭ studzieni 2018 hoda. Jon zajaviŭ, što kali aktyvisty padobnaha ruchu nie zasłuhoŭvajuć davieru, to praŭdzivaść usich skandalnych historyj pra charasmient možna pastavić pad sumnieŭ.
Kryścina Harsija śćviardžaje, što nie moža ŭzhadać incydent, apisany Danielem Fijeram. Tym nie mienš žančyna zajaviła, što luboje abvinavačvańnie padobnaha rodu treba ŭsprymać surjozna i pahadziłasia, jak moža, udzielničać u rasśledavańni.
Kryścina Harsija ŭznačalvaje žanočaje abjadnańnie ŭ zakanadaŭčym schodzie Kalifornii i źjaŭlajecca adnoj z natchnialnic maštabnaj akcyi suprać seksualnych damahańniaŭ #MeToo. U śniežni 2017 hoda jana była pryznanaja «Čałaviekam hoda» pa viersii časopisa Time u liku inšych «parušalnikaŭ cišyni» (The Silence Breakers). Aktyvisty hetaha hramadskaha ruchu ŭpieršyniu adkryta zajavili pra prablemu charasmientu i ŭstali na bok paciarpiełych.
Ciapier čytajuć
Pamiatajecie fota z muskulistym biełarusam, jaki ŭ 2020-m išoŭ u sčepcy z amapaŭcam? Ciapier jon zdymajecca ŭ kino ŭ Anhlii1
Kamientary