Rasijskaha vypusknika, jaki pisaŭ dypłom ab ekstremiźmie, pasadzili na 2,5 hoda za ekstremizm
Studenta Alaksandra Kruze ź Biełharodskaj vobłaści prysudzili da 2,5 hoda kałonii-pasialeńnia za čatyry reposty va «Ukantakcie», jakija paličyli ekstremisckimi.
24-hadovy Kruze śćviardžaje, što vykarystaŭ repost, kab pravieści sacapytańnie dla napisańnia dypłomnaj pracy. Jon vučycca na piatym kursie jurydyčnaha fakulteta Varoniežskaha ekanomika-pravavoha instytuta pa śpiecyjalnaści «kryminalnaje prava». Pierad hetym jon sychodziŭ u akademičny adpačynak, kab słužyć u vojsku. Uviesnu 2018 hoda jon pavinien byŭ abaraniać dypłom na temu «Ekstremizm u sučasnych umovach: mižnarodnyja aśpiekty procidziejańnia».
«Maskoŭski kamsamolec» adznačyŭ, što Kruze ŭsiudy byŭ «na dobrym rachunku», pracavaŭ na kandytarskaj fabrycy i budoŭli. Student raspavioŭ, što pryncypova vybraŭ temu ekstremizmu dla dypłoma.
Baćka studenta Alaksandr raspavioŭ, što ŭ dzień pieratrusu supracoŭniki FSB «sprabavali znajści choć niejki dokaz» u dokaz taho, što małady čałaviek — ekstremist. Siłaviki kanfiskavali sistemny błok, jaki dałučyli da materyjałaŭ spravy jak pryładu złačynstva.
U kancy lipienia 2017 hoda suprać junaka raspačali spravu pa artykule «Raspalvańnie nianaviści albo varožaści, a taksama źniavaha čałaviečaj hodnaści».
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary