Alaksandr Karlukievič byŭ adnym z tych, chto adkryvaŭ štohadovuju Minskuju knižnuju vystavu. Ministr infarmacyi adkazaŭ na pytańni žurnalistaŭ.
«Naša Niva» pacikaviłasia, ci płanuje Ministerstva infarmacyi niejkija mierapryjemstvy ŭ honar 100-hodździa BNR.
«Ja dumaju, što sioleta budzie vielmi šmat imprezaŭ, vystavaŭ z hetaj nahody. I vy heta bačycie i pa vykazvańniach vysokich dziaržaŭnych čynoŭnikaŭ i tych, chto zajmajecca ideałahičnaj pracaj», — adkazaŭ Karlukievič.
Što tyčycca prapanovy ŭładaŭ ab praviadzieńni na 25 Sakavika śviata i kancerta la Opiernaha teatra, to ministr nie adkazaŭ kankretna.
«Ja nie viedaju, na žal, charaktar hetaj idei, što za kancert rychtujecca. Ja nie mahu dać adnaznačny adkaz. U vyjaŭlenčym mastactvie, litaratury, muzycy hetaja padzieja, biezumoŭna, pavinna być adlustravanaja».
A jakoje staŭleńnie Karlukieviča da hetaj daty, znoŭ pacikaviłasia «NN»?
«Biezumoŭna, heta vielmi važny krok u historyi Biełarusi. Mnohija ŭdzielniki tych padziejaŭ 1918 hoda zastalisia ŭ historyi. Jarkaja postać Branisłava Taraškieviča, jaho ŭnikalny i dramatyčny los śviedčyć, jakaja niaprostaja reakcyja była na 1918 hod, dla biełarusa i jaho nacyjanalnaha samavyznačeńnia», — adkazaŭ ministr.
Jakuju apošniuju knižku pračytaŭ ministr infarmacyi? «Nie skazać, što encykłapiedyi čytajucca całkam, ale ciapier ź vialikim zadavalnieńniem čytaju pieršy tom encykłapiedyi «Janka Kupała», — kaža Aleś Karlukievič.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki29
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary