Siarod mahčymych vykanaŭcaŭ Lavon Volski, «Krama», Neuro Dubel i «Dzieciuki». Jany razhladajuć varyjant vystupić na kancercie ŭ honar stahodździa Biełaruskaj Narodnaj Respubliki.
Pra heta paviedamiŭ u žyvym efiry Radyjo Svaboda adzin z arhanizataraŭ mierapryjemstva Pavał Biełavus.
Kančatkovaje rašeńnie pa prahramie budzie prymacca, kali ŭžo budzie rašeńnie ab dazvole. Viaducca pieramovy ź Lavonam Volskim (u farmacie «Krambambuli» ci z muzyčnym składam), «Kramaj», «Dzieciukami», Neuro Dubel, Michałkom.
Naprykancy studzienia ŭ kamientary Radyjo Svaboda Lavon Volski nazvaŭ ideju adznačać 100 hod BNR kancertam jon nazvaŭ «biezumoŭna vydatnaj».
Arhanizatary kancertu viaduć pieramovy nakont vystupu na śviatočnym kancercie Siarhieja Michałka. Na 25 sakavika ŭ hurta Brutto byŭ zapłanavany kancert u Mazyry. U hastrolnym tury Brutto pa Biełarusi hetaja data volnaja. Ci buduć vystupać muzyki 25 sakavika, pakul nie paviedamlajecca.
«My chočam, kab Michałok u farmacie pad hitaru try pieśni, z Brutto ci «Lapisami» prysutničaŭ. Bo heta čałaviek, čyje pieśni na biełaruskaj movie stali himnami», — kaža Pavieł Biełavus.
Pavodle Paŭła Biełavusa, u Minharvykankam nie treba budzie padavać hastrolnaje paśviedčańnie sa śpisam muzykaŭ, bo kancert budzie biaspłatnym. Muzyki, ź jakimi byli pieramovy, nie chočuć kab kancert na Dzień Voli pieraŭtvaryŭsia ŭ palityčnuju akcyju.
«My cudoŭna viedajem, kali palityki nie brali adkaznaść, muzyki pahadžalisia ŭ 2006 hodzie ci raniej vystupać na ich mierapryjemstvach, a jany pieraŭtvaralisia ŭ palityčnaje. U vyniku jany (muzyki) źnikajuć z efiraŭ na 5-10 hadoŭ. Jany hetym zarablajuć na žyćcio. Jany źnikajuć, i my pačynajem vinavacić uładu, a nie palitykaŭ», — skazaŭ Biełavus.
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki26
Kamientary