Jašče adnaho videabłohiera chočuć pryciahnuć da adkaznaści za abrazu Łukašenki
Jašče adnym papularnym błohieram zacikavilisia biełaruskija pravaachoŭniki. Na paniadziełak u Leninskaje RUUS vyklikali błohiera Paŭła Śpiryna, čyj film «Ajčym» na Jutubie nabraŭ kala 400 tysiač prahladaŭ.
33-hadovy Pavieł Śpiryn žyvie ŭ Kamiennaj Horcy ŭ Minsku. Raniej jon pracavaŭ u dziaržaŭnym kamunalnym pradpryjemstvie, ale jaho zvolnili z pracy, kali jon uziaŭ udzieł u parłamienckich vybarach.
Paśla taho jon vyrašyŭ zaniacca Jutubam.
Film «Ajčym» Pavieł vykłaŭ na Jutub u śniežni 2017 hoda, ale Leninskaje RUUS zacikaviłasia im tolki ciapier.
Mužčyna kaža, što nie čakaŭ takoha rezanansu. U lepšym vypadku raźličvaŭ na 5-7 tysiač prahladaŭ, ale ŭ vyniku film pahladzieli bolš za 400 tysiač čałaviek.
Svajoj aktyŭnaj pazicyi Pavieł nie prychoŭvaje. Usie svaje filmy (u tym liku film «Ajčym») jon sam dasyłaje ŭ dziaržaŭnyja struktury. Tłumačyć jon heta nastupnym čynam:
— Čamu «Sovietskoj Biełoruśsii» možna za dziaržaŭnyja hrošy raspaŭsiudžvać usialakuju łuchtu siarod dziaržsłužboŭcaŭ, a mnie, hramadzianinu Biełarusi, nielha vykazać svajo mierkavańnie, što ja dumaju pra situacyju ŭ krainie?
Heta nie pieršy vypadak za apošni čas, kali biełaruskija pravaachoŭniki cikaviacca dziejnaściu błohieraŭ. Raniej na 19-hadovaha błohiera, jaki stvaryŭ palityčny jutub-kanał Nexta, zaviali kryminalnuju spravu za abrazu Łukašenki.
Čytajcie taksama: Na 19-hadovaha błohiera, jaki stvaryŭ palityčny jutub-kanał Nexta, zaviali kryminalnuju spravu za abrazu Łukašenki
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj51
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary