Znojdziena redkaja padziemnaja raślina, jakuju 150 hadoŭ nichto nie bačyŭ FOTA
U trapičnych lasach vostrava Barnea navukoŭcy druhi raz u historyi vyjavili raślinu Thismia neptunis, jakaja viadzie vielmi tajemny ład žyćcia, piša New Scientist.
Thismia neptunis — duža niezvyčajnaja raślina, jakaja bolšuju častku žyćcia pravodzić pad ziamloj. Pamier jaje nieprykmietnaj nadziemnaj častki, jakaja źjaŭlajecca tolki padčas ćvicieńnia na niepraciahły čas, — usiaho 9 santymietraŭ.
Praz taki tajemny ład žyćcia hetaja raślina była zafiksavanaja tolki adnojčy, u 1866 hodzie, italjanskim batanikam Eduardam Biekary, jaki natyknuŭsia na adnu takuju kvietku na zachadzie Małajzii i apisaŭ novy vid. Z tych časoŭ hetuju kvietku nichto nie bačyŭ.
U 2017 hodzie hrupa daśledčykaŭ z Čechii vyvučała toj ža rehijon trapičnych lasoŭ i znoŭ natyknulisia na kvietku Thismia neptunis. Jany skłali bolš dakładnaje apisańnie vidu, a taksama apublikavali pieršyja fotazdymki hetaj amal mifičnaj raśliny.
Thismia neptunis adnosicca da hrupy tak zvanych mikahieteratrofnych raślinaŭ, što žyvuć pobač z peŭnymi vidami hryboŭ. Takija raśliny padtrymlivajuć žyćcio nie praz fotasintez, a praz pažyŭnyja rečyvy, jakija jany atrymlivajuć ad micelijaŭ hryboŭ.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary